चिमणी दिवस

खिडकीतून जेव्हा बघायचो
मज चिमणीच तिथे दिसायची ।
चिव चिव तिचा आवाज गोड
घाईत किती ती असायची ।
आजूबाजूचा घेऊनिया वेध
मिळेल ते दाणे ती टीपायची ।
हरवली काही आता ती
चिव चिव मज जरा ऐकायची ।
Sanjay R.

नजरेला मिळता नजर

नजरेला मिळता नजर
अंतरात होतो गजर ।
उठतात मनात विचार
क्षणात होतो मी हजर ।
Sanjay R.

ट्याव ट्याव

तुझी नजर नी माझी माजर

नाही कशातच फरक ।

मिटून डोळे ते बघतात

जणू सांगतात तू सरक ।

घारे घारे डोळे कसे

गारगोटी जणू वाटतात ।

श्रीखंड असो वां आईस्क्रीम

चटकन कशा चाटतात ।

ऐक करते म्याव म्याव

दुसरी ची तर ट्याव ट्याव ।

शांती हवी हो मला

दूरच असा ना राव ।

Sanjay R.

चकवा

सारखा असतो फिरत
कुठे जायचे कळेना ।
जणू चकव्याने भुलवले
रस्ताच मज मिळेना ।
मनात जे माझ्या
काहीच कसे जुळेना ।
नको जे वाटते
तर तेही का टळेना ।
Sanjay R.

कधी जमलेच नाही

बिनधास्त असे ते वागणे
मला कधी जमलेच नाही ।
नेहमीच असते मनात धास्ती
स्वप्नात जगतो अगदी शाही ।
तेच ते जगणं तेच ते वागणं
जीवाची होते हो लाही लाही ।
देऊन आता सोडून सारे
रोज वाटते करायचे काही ।
Sanjay R.