धुंद या भावना

का धुंद या भावना
मज मनाचे कळेना ।
कधी होते ते उदास
स्वप्नातही तेच आभास ।
कधी लागतो ध्यास
होतात संथ श्वास ।
लागते नजर आकाशी
घेणे देणे नसे कशाशी ।
Sanjay R.

जीवनाची कथा

इति पासून अंता पर्यंत
जीवनाची एकच कथा ।
डोलतो होऊन कठपुतळी
घरोघरी एकच व्यथा ।
सुखासोबत भोगतो दुःख
आयुष्याची होते गाथा ।
मुखावरती दिसे हास्य
अंतराचीही तीच प्रथा ।
Sanjay R.

कठपुतळी

झाला माणूस इथे कठपूतळी
नाचतो इशाऱ्यावर इतरांच्या ।
हातात स्वातःच्या आहे काय
कठीण या वाटा जीवनाच्या ।
Sanjay R.

दुनियादारी

जगण्यास हवी दुनियादारी
भेटतात कुणी इथे भारी ।
विचारांना देऊन सोडून
भटकतात कसे दारोदारी ।
Sanjay R.

हास्य गालावर

दुःख इथे पावलोपावली
डोळ्यात आसवांच्या धारा ।
दाखवीतो हास्य गालावर
तिथेही दुःखाचा पहारा ।
दुःखात शोधतो आनंद
जातो विसरून इशारा ।
बघतो दूर मी आकाशात
चमचमतो तिथेही तारा ।
Sanjay R.