माझ्या मराठीची गोडी
जन जनास ती जोडी ।
वऱ्हाडीची तिला साथ
सोबतीला पुणेरी हात ।
खानदेशी आहे बाज
मुंबा नगरीचा तिला साज ।
थोरा मोठ्यांनी सजविले
या महाराष्ट्रात रुजविले ।
माय मराठी मी म्हणतो
गाणे तिचेच गुणगुणतो ।
गातो मराठीची मी थोरवी
फुलते मनामनात पालवी ।
Sanjay R.
नको जाऊ तू सोडून
भरला हा संसार ।
तुझ्या विना संग मज
आहे कुणाचा रे आधार ।
जगणे मरणे नाही हाती
पण कशास तो विचार ।
मन होते असे अधर
आणि अंतरात रे प्रहार ।
साथ जीवनाची आहे
उचल थोडा तू भार ।
झेलील मीही तुझ्यासवे
होतील जेही वार ।
Sanjay R.
जीवनाची तूच साथी दार
वाटतो किती आधार ।
जातो विसरून तुझ्यासवे
नसतो कशाचाच भार ।
कधी मनात उठते वादळ
सारखे डोकावतात विचार ।
होते नजरही शून्य
लागते डोळ्यांनाही धार ।
सुन्न पडते डोके आणि
अंतरात होतात प्रहार ।
होताच आठवण मग तुझी
मनात फुलते बहार ।
Sanjay R.
तुझ्यासाठी
केला मी नवस ।
मग प्रेमासाठी
फक्त ऐक दिवस ।
नको नको
सोड आता आळस ।
रोज बघतो
मंदिराचा कळस ।
गंध नसेल त्याला पण
लाल झालाय पळस ।
तरीही वाटतं
अंगणात असावी तुळस ।
Sanjay R.
