मार्ग विनाशाचा

डोक्यात येता अविचार
बदलतो सगळा आचार ।
आपोआप वळतात पाय
मार्ग विनाशाचा लाचार ।
निष्पन्न असतात शून्य
होतो फक्त प्रचार ।
Sanjay R.

विनाशाचा मार्ग

युक्रेन रशियाचे
भडकले युद्ध ।
पूल तोडून युक्रेनने
केले रशियाशी क्रुद्ध ।
भोगतोय आता फळ
हरपली शुद्ध ।
होईल कसे शांत
सांगा दोन शब्द ।
युक्रेन च्या नागरिकांचे
कसे ते प्रारब्ध ।
सोसताहेत बिचारे
थोपवलेले युद्ध ।
विनाशाचा तो मार्ग
सारे जग स्तब्ध ।
Sanjay R.

कोजागिरी

पौर्णिमेचा चंद्र आज
घेऊन कोजागिरी आला ।
चंद्रप्रकाशात तापले दूध
अमृताचा गंध देऊन गेला ।
Sanjay R.

आई बाबा

हवे आई बाबांचे आशीर्वाद
यावर कोण करील वाद ।
तरीही मुलं का असे
त्याना एकदम विसरतात ।
Sanjay R.

वाटसरू

बांधली ही गाठ आहे
नाही आता कुठे वाट ।
प्रवास आहे हा दूरचा
चालायचे हाच परिपाठ ।

कठीण हा मार्ग कीती
विचारही नको आता ।
संकटांशी सामना
चल करू जाता जाता ।

दुखःविना सुख नाही
सुखाची ही वाट नाही ।
आटू दे अश्रू सारेच
अंत तोही किती पाही ।

बघूनच प्रण माझा
विचारात तोही जाईल ।
माझ्याविना सांग तू
सुखात तो कसा राहील ।
Sanjay R.