मन भरले नाही

अजून मन भरले नाही
उरलं अजून करायचं काही ।
इच्छांचा तर सागर मनात
केव्हा होईल ते कळत नाही ।

पूर्ण कधी कुठे होते सारे
प्रयत्नानी आवरायचे पसारे ।
मिळेल त्यात आनंद माना
सुखी जीवनाचे तेच इशारे ।
Sanjay R.

बेभान हे मन

नवरंगाने नटली ही
आभाळाची काया ।
धगधगता सूर्य बघा
सरली त्याची माया ।

वारा गार छेडतो मज
झाले बेभान हे मन ।
पदर थांबेना खांद्यावर
सांग झाकू कसे मी तन ।

कसे सांभाळू मी मज
नजरेत भरला ज्वर ।
दूर सळसळली वीज
आली धावून सर ।
Sanjay R.

मातेचे गुणगाण

नवरात्री चे आयोजन
माँ दुर्गाचे करू नमन ।
अंबा जगदंबा तू काली
माते कीर्ती तुझी महान ।
दुराचाऱ्यांचा करी विनाश
अष्टभुजा ग तुझीच शान ।
मनोकामना होई पूर्ण
करील जोही तुझे ध्यान ।
जय आंबे जय जगदंबे
भक्तिभावे करतो गुणगान ।
Sanjay R.

विचार बापूंचे

सत्याचा होतो विजय

असत्याने काय हासील ।

स्वातंत्र्याचा जिंकला लढा

अहिंसेचा मार्ग सुशील ।

अस्पृश्यतेचा सोडा विचार

स्वावलंबी सारे व्हा तुम्ही ।

प्रेम देऊनीया प्रेम घ्या

मंत्र बापूंचा पाळू आम्ही ।

स्वदेशीचा करा स्वीकार

विदेशील देऊन नकार ।

आत्मविश्वास जाणा जरा

होऊ नका असे लाचार ।

ऑक्टोबरची तारीख दोन

स्मरण करू आज बापूंचे ।

स्वातंत्र्याचे रक्षण करुनी

नमन करू त्या वीरांचे ।

Sanjay R.

इच्छा पूर्ण

होतात  इथे कुणाच्या
पूर्ण इच्छा  सर्व ।
काय नको मनाला
हवे दिसेल ते सर्व ।

इच्छा तर असंख्य
काहीच होतात पूर्ण ।
म्हणू नका त्यासी
सारेच ते अपूर्ण ।

हवे थोडे भान
मनाला समाधान ।
मिरवता येते मग
वाटते त्यातच शान ।
Sanjay R.