Wednesday, September 14, 2022

संघर्ष

संघर्षा विना सुख नाही
कष्टा विना भूक नाही  ।
पेटते आग मनामनात
कशात तेवढे दुःख नाही ।
Sanjay R.


भूल

आठवते ती पहिली भेट
नजरेस मिळाली नजर ।
पडली डोळ्यांना भूल नी
माझा मलाच पडला विसर ।
Sanjay R....


Monday, September 12, 2022

आकाशाला कुठे अंत

आकाशाला कुठे अंत
क्षितीज ही कती अनंत ।
दाटते आभाळ काळे
वारा सोबतीला संथ ।
बरसतात पाऊस धारा
धारा मात्र असते शांत ।
मिलनाचे ते क्षण कसे
कोण कुठे असे निवांत ।
Sanjay R....


तू आणि मी

तेव्हा कधी तरी एकदा
वारा अगदीच होता शांत ।
तू आणि मी दोघेच तेव्हा
बसलो असेल निवांत ।

त्यादिवशीचा तो  आपला
असेल पहिलाच एकांत ।
बोलायला नव्हते सुचत
शब्दही झाले होते संथ ।

सहजच मग बोलून गेलो
कशाला बघतेस तू अंत ।
बोल मनातलं तुझ्या काही
बाळगू नकोस तू खंत ।

बोलणे तूच सुरू केलेस
बाकी अजूनही ते अनंत ।
तेच शब्दांचे होते मिलन
संपूच नये आता अंता पर्यंत ।
Sanjay R....


Sunday, September 11, 2022

पावसाने केला गोंधळ

पावसाने केला गोंधळ
थांबायलाच नव्हता तयार ।
जिकडे तिकडे पाणी पाणी
पडत होती नुसती धार ।
थकून गेलो घरात बसून
कंटाळा  हो आला फार ।
रविवार पूर्ण गेला वाया
मनात राहिले मनातले विचार ।
Sanjay R....