तेव्हा कधी तरी एकदा
वारा अगदीच होता शांत ।
तू आणि मी दोघेच तेव्हा
बसलो असेल निवांत ।
त्यादिवशीचा तो आपला
असेल पहिलाच एकांत ।
बोलायला नव्हते सुचत
शब्दही झाले होते संथ ।
सहजच मग बोलून गेलो
कशाला बघतेस तू अंत ।
बोल मनातलं तुझ्या काही
बाळगू नकोस तू खंत ।
बोलणे तूच सुरू केलेस
बाकी अजूनही ते अनंत ।
तेच शब्दांचे होते मिलन
संपूच नये आता अंता पर्यंत ।
Sanjay R....
पावसाने केला गोंधळ
थांबायलाच नव्हता तयार ।
जिकडे तिकडे पाणी पाणी
पडत होती नुसती धार ।
थकून गेलो घरात बसून
कंटाळा हो आला फार ।
रविवार पूर्ण गेला वाया
मनात राहिले मनातले विचार ।
Sanjay R....
निसर्ग हा सुंदर किती
करू प्रेम मी कुणावर ।
येतो कुठून हा पाऊस
भरतो कसा हा सागर ।
बरसतो पाऊस जेव्हा
होतो धरेवरती शॉवर ।
हिरवी हिरवी हो झाड
फुलतात रंगीबेरंगी फ्लॉवर ।
विलोभनीय ही धरा कशी
घालू कसा मनास मी आवर ।
प्रेमात मी पडलो तिच्या
आता तूच मला ग सावर ।
Sanjay R....
आठवण होते जेव्हा
असतेस तूच मनात ।
शोधतो मी जेव्हा
जातेस कुठे क्षणात ।
तुझ्या सोबत मजला
शब्द ही देतात याद ।
तस्वीर तुझी नेत्रात नि
मन मनाला देते साद ।
दे छंद तुझा मजला
आठवणीत तूच हवी ।
होताच आठवण तुझी
दिसावी तुझीच छवी ।
Sanjay R....
बोलू नको काही
सगळेच आहे ठाव ।
शब्दच देऊन गेले
हृदयावर माझ्या घाव ।
साधा सरळ मी
कशास रचेल डाव ।
कधीच नव्हती मला
काही कशाची हाव ।
Sanjay R....
