देऊ निरोप आज बाप्पाला
दहा दिवस गेले सोबत
कमी नव्हते आनंदाला ।
सकाळ संध्याकाळ होई आरती
मोदक लाडू प्रसादाला ।
झगमग झगमग घरात होता
आशीर्वाद मिळे भक्ताला ।
गेलेत कसे दिवस सोबत
कळलेच कुठे आम्हाला ।
जायचा आज दिवस आला
आम्ही नमन करतो तुम्हाला ।
जयकार करू या मोरया
लवकर या पुढच्या वर्षाला ।
Sanjay R....
पोटासाठी चाले सारे
जीवन झाले कथा ।
ज्याचे तोच भोगतो
हीच जीवनाची व्यथा ।
दुःखाचा हा महासगर
आनंदाचा नाही पत्ता ।
हसत हसत भोगतो सारे
दारिद्र्याचीच महासत्ता ।
नाही कुणास देणेघेणे
माणुसकीचा झाला अंत ।
लुटारूंची फौज मोठी
कुणा म्हणू मी आता संत ।
Sanjay R.
इच्छाधारी नाग तो
असतो नेहमी रागात ।
जंगल सोडून तो मिळेल
माणसांच्याच भागात ।
डंख असतो धरून
विष भरलेलं मुखात ।
नाही बघवत त्याला
असेल कोणी सुखात ।
सदा चालते वळवळ
करायचे मधा मधात ।
संग नकोच त्याचा
धोकेबाज तो जगात ।
Sanjay R.
नाम घेऊ भगवंताचे
कर्म सारे जगण्याचे
आशा मनी उपजते
होते कल्याण जगताचे
भाव भक्तीचा सागर
भरते पुंण्याची घागर ।
मग्न भक्तिरसात सारे
चाले श्रद्धेचा जागर ।
कुठे कशाची शक्ती
चाले कुनाची युक्ती ।
कर्ता करविता तोच
सदा करू या भक्ती ।
Sanjay R....
म्हणच आहे हो तशी
आयत्या बिळात नागोबा ।
दिवसभर असतो पसरून
फणकारतो कसा जागोबा ।
Sanjay R...
