कोण छोटा कोण मोठा

असेल जवळ पैसा
आवाज त्याचा मोठा
रिकाम्या खिशाचा हो
आव असतो खोटा ।

कष्टाने कुठे तो येतो
दिसतो नुसता तोटा ।
नसेल तो ज्याच्याकडे
म्हणतात त्याला छोटा ।

कोण छोटा कोण मोठा
जड किती पैशाचा गोटा ।
उचला हात लवकर आता
जाऊन पैशालाच भेटा ।
Sanjay R.

पैशाला आहे वाचा

पैशाला आहे वाचा
बोल त्याचे मोलाचे ।
होताच थोडे जास्त
भान हरपते तोलाचे ।

सहज मिळेना पैसा

हवेत कष्ट अपार ।
लोभ मोह नको काही
हवेत थोडे शुद्ध विचार ।

पैशाविना न मिळे काही ।
तरी पैशाची किंमत नाही ।
जीवनाचा या एकच पाया
प्रेमाविना नाही काही ।
Sanjay R.

प्रत्येकाची येते वेळ

चालतो सारा खेळ 

पैशाविना नाही मेळ ।

श्रीमंत कुणी गरीब इथे

प्रत्येकाची येते वेळ ।

वरचा कधी जातो खाली

खालून येतो दुसरा वर ।

आकाशाला नाही भिंती

ताकद ज्याची करतो सर ।

पैसा पैसा जो जो करतो

पैश्याविनाच तोही सरतो ।

सोडून इथेच जातो सारे

असून पैसा जीवन हरतो ।

Sanjay R.

आठवणी मनात

मित्र जरी गेले दूर पण
आठवणी कुठे जातात ।
क्षणन क्षण आठवतो जेव्हा
उठते वादळ अंतरात ।
सुख दुःख दोन्ही जिथे
चित्र बदलते एकच क्षणात ।
भावना मात्र अजूनही त्याच
साठलेल्या आहेत मनात ।
Sanjay R.

शेवटाचा डाव

कळेना करावे काय

घेऊ कुठे मी धाव ।

संकटांशी लढता लढता

झालेत मनावर घाव ।

शोधू कुठे वाट आता

लागेना कुठेच ठाव ।

बघतो मी आकाशात

उरला शेवटाचा डाव ।

Sanjay R.