बालपणातला गंध

तुझ्या माझ्या मैत्रीचा बंध
त्याला बालपणातला गंध ।
दरवळतो अजूनही सुगंध
त्यातच होते मन माझे धुंद ।
जडला आज मला छंद
आठवतो जेव्हा मिळतो आनंद ।
Sanjay R.

दर्शनाची आस

आहे दर्शनाची आस
मनातही आहे ध्यास ।
कृपा तुझीच देवा
घेतोय मी श्वास ।
करील मीही वारी
होऊ दे कितीही त्रास ।
चरणाचे होईल दर्शन
मनातही हा विश्वास ।
Sanjay R.

नको परतफेड

मैत्री ला नाही तोड
फक्त एक छोटासा जोड ।
तोडून कुठे तुटते
मनाची तीच तर खोड ।

मैत्री केली जिवाभावाने
घ्यायचे नाही लोड ।
घट्ट होतात धागे मनात
मागतो कोण परतफेड ।
Sanjay R.

मैत्रीची साथ

हवी जीवनाची साथ

सोबतीला हवेत हात ।

हवा एक विश्वास सदा

नको मनाला आघात ।

होईल अंधार लुप्त

जळता एकची वात ।

मिळेल हवे ते सारेच

हवी फक्त मैत्रीची साथ ।

Sanjay R.

आठवण

बंध तुझ्या माझ्यात
मैत्रीतून जुळले नाते ।
नकोच दुरावा आता
साद अंतरातून येते ।
आठवण होते जेव्हा
समोर मग तूच येते ।
तुझ्याविना सारे शून्य
क्षणा क्षणाची याद येते ।
Sanjay R.