मैत्रीची साथ

हवी जीवनाची साथ

सोबतीला हवेत हात ।

हवा एक विश्वास सदा

नको मनाला आघात ।

होईल अंधार लुप्त

जळता एकची वात ।

मिळेल हवे ते सारेच

हवी फक्त मैत्रीची साथ ।

Sanjay R.

आठवण

बंध तुझ्या माझ्यात
मैत्रीतून जुळले नाते ।
नकोच दुरावा आता
साद अंतरातून येते ।
आठवण होते जेव्हा
समोर मग तूच येते ।
तुझ्याविना सारे शून्य
क्षणा क्षणाची याद येते ।
Sanjay R.

माझा बेस्ट फ्रेंड

मोबाईलच माझा बेस्ट फ्रेंड

दिवस रात्र असतो सोबत ।

सुखात दुःखात देतो साथ

जीवन माझे तोही असतो जगत ।

अडीअडचणीत सुचवी मार्ग

बघतो त्याला मी नकळत ।

मित्रहुनही वाटतो आपला

मीही त्याला नाही टाळत ।

Sanjay R.

आठवणीतली गाणी

आठवणीत ती सारी गाणी
गुणगुणतो मी माझ्या मनी ।
मनात भरतो उल्हास आनंद
शब्द गाण्यांचे पडताच कानी ।
Sanjay R.

गाऊ कुठे

सर सर येऊन
गेला पाऊस ।
भिजले अंग
झाली हौस ।

ओल्या मातीचा
गंध सुटला ।
झाडावरचा
पक्षी उठला ।

जाऊ कुठे
मी धावू कुठे ।
काही सुचेना
गाऊ कुठे ।
Sanjay R.