आठवणी किती

आठवणी किती
साठलेल्या या मनात ।
भराभर येती पुढे
फक्त काही क्षणात ।

याद होते जेव्हा
धरतात फेर मनात ।
कधी मुखावर हास्य
कधी पाणी डोळ्यात ।
Sanjay R.

पाणीच पाणी

नको त्या आठवणी

नको ते विचार ।

वाळूचे घर बांधले

लाटेपुढे होते लाचार ।

जिकडे तिकडे पाणीच पाणी

नाही कशाचाच आधार ।

सतत पडतोय हा पाऊस

सोबत डोळ्यांनाही धार ।

घराला तर छत नाही

उरल्या कुठे भिंती चार ।

शेतात नुसतेच पाणी

डोक्यावर कर्जाचा भार ।

तापाने नुसता फणफणतो 

अंग ही  पडले गार ।

हसू कसा रडू कसा 

जीवनाचा तर हाच सार ।

Sanjay R.

रेशमी धागा

बंध प्रेमाचा कसा
जसा रेशमी धागा ।
तुटेल कसा सहज
अंतरात ज्याची जागा ।
Sanjay R.

पिंजरा

मन माझे पिंजरा
बंद त्यात भावना ।
बघतो दूर गगनात
जाऊ कुठे कळेना ।
Sanjay R.

भरारी

कशी ही दुनियादारी
वाटे किती ही भारी ।
कळेना मन कुणाचे
आभास सारे विषारी ।
खुले हे आकाश सारे
घेऊ कशी मी भरारी ।
दूर गगनात फिरतो
वाटे मीच हो विचारी ।
Sanjay R.