जिंकले मन माझे
तुज म्हणते राजा ।
मनात चमचमल्या
तुज बघताच विजा ।
डोळ्यात दिसली ओढ
जडला जीव माझा ।
बघ एकदा तू वळून
देऊ नकोस मज सजा ।
Sanjay R.
Tuesday, May 10, 2022
Monday, May 9, 2022
श्रीमंत
पैसा पैसा करतो कसा
म्हणून झोप येत नाही ।
असून पैसा खिशात जरी
खर्चही तू का करत नाही ।
बघ एकदा खर्च करून
असाच तो रे सरत नाही ।
लोभ सारा सोडून तू
आनंदात का रे जगत नाही ।
जगायला जरी हवा पैसा
पण जगणेच तर कळत नाही ।
सोड मोह तू या पैशाचा
होशील श्रीमंत पण गरीब नाही ।
Sanjay R.
Saturday, May 7, 2022
नवीन संधी
एक किरण आशेचे
बघतो त्यात मी संधी ।
नशिबाचा फेर सारा
काय कशाची येईल धुंदी ।
हवे ते मी शोधतो जेव्हा
कळते त्यावर आहे बंदी ।
आज बाजार भरला नाही
कळून चुकले आहे मंदी ।
Sanjay R.
Friday, May 6, 2022
विश्वास
मनात नको तो आहे ध्यास
करू कुणावर सांगा विश्वास ।
खोटी ही दुनिया सारीच
खडतर किती जीवन प्रवास ।
मित्र असो वा असो कोणी
म्हणू कुणा मी माझा खास ।
गोड बोलुनी गळा कापती
सारेच इथे फसवे आभास ।
लोभी भोगी काही कळेना
हिसकून घेती हातचा घास ।
पर्वा कुणाची नाही कुणाला
ठिकठिकाणी आहेत फास ।
लोभ मोह मत्सर माया
प्रत्येकासी तोच हव्यास ।
माझे मलाच नकळे काही
घेऊ कसा मी माझाच श्वास ।
Sanjay R.
Tuesday, May 3, 2022
मतभेद
विचार नसेल सारखे
मतभेद तर होणार ।
घ्यायचे जुळवून थोडे
वाद नाही उरणार ।
आचार प्रत्येकाचे वेगळे
सारखे कसे असणार ।
विचारांना हवी दिशा
मार्ग त्यातून निघणार ।
एक पाऊल पुढे कोणी
माघार कोण मग घेणार ।
जुळवून थोडे जाऊ पुढे
संकट असेच सरणार ।
Sanjay R.
Subscribe to:
Posts (Atom)