सलाह

दे ना तू #सलाह मुझको
मै भी हू समझदार थोडा ।
चलते चलते गीर न जाऊं
काहे बनता है तू रोडा ।
Sanjay R.

मराठी कथा आणि काव्य संग्रह

आता माझा कथा आणि काव्य संग्रह फ्लिप कार्ट वर उपलब्ध आहेत, नक्की वाचा....

अभिमान

तुज कशाचा रे अभिमान

खोटाच करवितो तू मान ।

करी ना कोणीच सम्मान

स्वतःच मारितो तू शान ।

मूर्ख तुझेच रे हे ध्यान 

की आमुचेच आहे अज्ञान ।

कोण कुठला तू महान

वाटे बुद्धी आमुची लहान ।

बदल रे तू तुझे हे निशान

होऊ नकोस तू बेभान ।

कळते झालेत सारेची

झुकवतील तुझीही मान ।

Sanjay R.

रोबोट

माणूसच झाला रोबोट

नुसता असतो पळत ।

पैश्या शिवाय सुचते काय

जीवन हेच नाही कळत ।

विचारांचे ओझे डोक्यावर

मनही त्याचे नाही ढळत ।

आतल्या आत धगधग

जीवही असतो जळत ।

Sanjay R.

आली आता होळी

ऊन लागले तापायला
आली आता होळी ।
लाकडं हवेत जाळायला
आणू चला मोळी ।

जंगल झालेत ओसाड
मिळेना साधी फळी ।
पक्षांची नाही चिवचिव
आटली सारीच तळी ।

रंगपंचमीचा लाल रंग
लावू कसा मी भाळी ।
गुलाल झोंबतो गालाला
मग होते पळा पळी ।

रंगांचा हो होतो भंग
उतरतेच कसे गळी ।
कुणी असतात बेहोश
खातात का ती गोळी ।

उत्साहाला लागते विर्जण
प्रथाच वाटते काळी ।
आनंदाला नका विसरू
घ्या हातावरती टाळी ।
Sanjay R.