अंगणात फुलला गुलाब
मोगरा दुरून हसतो ।
जास्वन्द मिरवतो डोलात
खुशीत चाफाही दिसतो ।
बहरली कशी रातराणी
गंध तिचा दरवळतो ।
गार गार वाऱ्या सांगे
निशिंगन्धही सळसळतो ।
उघडून डोळे मग बघते
शेवंती पाणाआड़ दडते ।
लाजत मुरडत कशी ती
जाई जुई गालात हसते ।
Sanjay R.
शोधू कुठे मी मला
मायाजाळ हे इथे ।
गुरफटलो मी त्यात
भटकतो इथे तिथे ।
सम्पेल का अस्तित्व
असेल मग मी कुठे ।
स्वार्थी जगात शोधतो
निस्वार्थ जागा जिथे ।
पळापळ चालली सारी
थांबेचना कोणी कुठे ।
बघता बघता मग सरतो
प्रवास जीवनाचा इथे ।
Sanjay R.
कुणाला कुणाचा आधार
होतो कमी थोडा भार ।
असते जेव्हा जिंकायचे
नकोच वाटते मग हार ।
पेच सारेच या आयुष्यात
मनही सदा करी विचार ।
सर्वस्व लावूनी पणाला
स्वप्न होते मग साकार ।
खुलतो मार्ग आनंदाचा
हाची जीवनाचा सार ।
Sanjay R.
शुधु कुठे मी आता
होता तुझाच आधार ।
तुझ्याविना मी तर
वाटे मज मी लाचार ।
सांगू कुणास मी आता
चाले तोच विचार ।
टाकले बदलून सारे
माझे मीच आचार ।
ये परतून ये पाखरा
वाजू दे तुझी सतार ।
फुलेल हास्य या गाली
येईल परत बहार ।
Sanjay R.
सुचेना मला काही
काय सांगू आता ।
डोकेच झाले शांत
थंडी आली आता ।
थरथर कापे अंग
शब्द निघेना आता ।
नाही सुचत काही
झाल्या बंद बाता ।
थंडीचा हा प्रकोप
करू काय आता ।
बसू चला शेकोटीशी
थंडीत कुठे जाता ।
गरम चहाचा कप
थंड झाला हो आता ।
बोल निघे बोबडे
सांगा कसे हो गाता ।
घालू चला स्वेटर
थंडी पळेल स्वतः ।
बचाव होईल थोडा
रजईत लपू आता ।
Sanjay R.
