" दूर किती तो तारा "

दूर किती तो तारा
चमचमतो बिचारा ।
मधेच येऊनि नभ
करी पावसाचा मारा ।
जातो भिजवून चिंब
वाटे मज तो इशारा ।
गन्ध प्रेमाचा तयात
आभास किती न्यारा ।
Sanjay R.

" रंग प्रेमाचा "

का पण कुणास ठाऊक
वाटतं करावी अनोखी मैत्री ।

यावा कधी मुसळधार पाऊस
असावी तिथे मग एकच छत्री ।

तू आणि मी असू दोघेच
बघावीत स्वप्न तुझीच या नेत्री ।

ओढ लागावी मज तुझी
यावी स्वप्नात माझ्या तूच रात्री ।

घेऊनिया जवळ मग
द्यावी तुजला या मनाची खात्री ।
Sanjay R.

" येणार किती तू पावसा "

येणार किती तू पावसा

नको वाटते तुझे येणे ।

थांब ना  आता जरासा

कठीण झाले रे हे जिणे ।

नदी भरली भरले तलाव

 सगळीकडे पाणीच पाणी ।

शेत डुबले पीक सडले

मदतीला रे नाही कोणी ।

डोंगर कर्जाचा माथ्यावर

सावकार वाटतो रे शनी ।

विष प्याया लागेल पैसा

विचार मरणाचा येतो मनी ।

थांबव जरा तुझा तांडव

सूर्य जरासा दिसू दे ना ।

पिकले जरी थोडे तरी

अश्रू पुसून जगू पुन्हा ।

Sanjay R.

" काय माझा अपराध "

सांग मला शेवटचे
काय माझा अपराध ।
प्रश्न अजूनही आहे 

करू नको मज बाद ।

टाक बोलून एकदा
सांग कशाचा हा वाद ।
दूर किती मी एकाकी
घेते अजूनही साद ।

शब्द हवा मज तुझा
ऐकण्या आतुर नाद ।
राहू नकोस तू चूप
कोण रे इथे आजाद ।

ये परतून तू असा
वाटे रिकामा प्रासाद ।
अनमोल हे जीवन
घेऊ जगण्याचा स्वाद ।
Sanjay R.

" मनात चाले काय "

चाले मनात काय काय
त्यातले किती सुविचार ।

अखंड चालली परिक्रमा
मन करी तयाचा प्रचार ।

नको नको त्या आठवणी
आणि बुद्धी होते लाचार ।

कधी मी मी चाच भाव
अंगात शक्तीचा संचार ।

पदरात येई कधी मग
आपलाच धिक्कार ।

नको वाटे मज आता
काही कशाचे विचार ।

जीवनाच्या वाटा किती
होतील अशाच पार ।
Sanjay R.