" नाचे मोर मनात "

नाचे मोर मनात

हर्ष उठे तनात ।

उल्हास होई जागा

आनंद गगनात ।

सोडून दुःख आता

हसायचे क्षणात ।

सुख दुःख येतीजाती

हवे काय जीवनात ।

Sanjay R.

" काय बोलायचं "

बोलायला नको विषय

हवे नको ते बोलायचे ।

गुपित मनातले सारेच

उघड करून सोडायचे ।

वाणी तारी वाणीच मारी

नाही कुणाला कशाचे ।

शब्दच करी कधी अनर्थ

मात्र मग चूप बसायचे ।

Sanjay R.

" ज्योत जळते दारात "

उठले वादळ मनात

विखुरले स्वप्न क्षणात ।

आता शोधू कुठे विसावा

झालो परका का जनात ।

वाहतो एकटाच मी ओझे

नाही उरले त्राण उरात ।

वाटही दूर किती अजून

वाटे वहात चाललो पुरात ।

मंद मंद झालेत श्वास

प्राण कंठाशी आले सुरात ।

उलटून देह हा पडला

आता ज्योत जळते दारात ।

Sanjay R.

" चहा कॉफी कामाची "

चहा कॉफी किती कामाची
किमतीला कमी दामाची ।
थकला असो वा भागला
बुटी जणू किती कामाची ।

मैत्री असो वा नाते असो
घट्ट मिठी तिच्या स्वादाची ।
आठवण येता हवीच वाटे
दुनिया सारी तिच्या नादाची ।

वेळ असो वा नसो कुणाला
देई फुरसत काही क्षणाची ।
गोडवा तर इतका तिचा
मिटवते दरी दोन मनाची ।
Sanjay R.

" किरण एक आशेचा "

नको ते विपरीत सारे

का हे असे घडते ।

सांभाळायचे  मन कसे

जाऊन तिथेच जडते ।

आठवणींचा डोंगर विशाल

करू किती मी पालथा ।

त्राणच उरले नाहीत

एकट्याने येईल का चालता ।

क्षणनी क्षण अवघड  किती

डोळे असतात वाटेवर ।

थांबत नाही एक थेंब

जणू लाटच येते गालावर ।

हुंदकाही कुठे आवरतो

आवेग दुःखाचा सोसेना ।

तुझ्याविना जगू कसे

काहीच मजला सुचेना ।

ये परत तू सोडून सारे

नको विचार कशाचा ।

रोज बघतो सूर्य नवा

हवा किरण एक आशेचा ।

Sanjay R.