" नशिबाचे फेरे "

काय रेखाटू या पाटीवर

काळी पाटी काळा खडू ।

नशीबाचेच फेरे उलटे 

जीवनात या सारेच कडू ।

टीचभर या पोटासाठी

हाता पायास किती छेडू ।

कोरभरच हवी भाकर

नको पेढे नको लाडू ।

अश्रू डोळ्यातले आटले

सांगा आता कसा रडू ।

Sanjay R.

" डोळ्यात थेंब आसवांचे "

आठवणींच्या डोहात

विचारांचे जाळे ।

डोळ्यात थेंब आसवांचे

पापणीच्या आड तळे ।

मन होते जेव्हा उदास

काय कुणास कळे ।

अंतरात धगधगते आग

मन मनात जळे ।

चन्द्र डोकावतो आकाशात

अंगणात त्याच्या खळे ।

चांदण्या दुरून हसतात

बघूनक मजला छळे ।

Sanjay R.

" शोधू कुठे मी तुला "

विशाल या गर्दीत
शोधु कुठे मी तुला ।
हरवलेला बंध
काय मिळेल मला ।
Sanjay R.

" काय मनात माझ्या "

काय मनात माझ्या
हवे वाटे आभाळ ।
नकोच कधी रात्र
फक्त व्हावी सकाळ ।
उजेडाशी ही  कशी
जुळली इथे नाळ ।
रात्र नाही वाईट
घेऊ कसा मी आळ ।
चन्द्र आणि चांदण्या
करती शांत जाळ ।
रजनीचे गळ्यात
प्रकाश टाके माळ ।
Sanjay R.

" माणूस "

कोण येतो नि
कुठे तो जातो ।

रिकामाच येतो
नि काय नेतो ।

मी मी करतो
कुठे तो उरतो ।

कधी हसतो
डोळे पुसतो ।

श्वास भरतो
मधेच हरतो ।

इथेच जगतो
इथेच मरतो ।

माणूस असतो
माणूस नसतो ।
Sanjay R.