" राग कसा तुझा "

तिरकी नजर

फुगलेले गाल ।

दिसतो चेहरा

लाल ही लाल ।

राग कसा तुझा

बिघडवतो ताल ।

मनाचे माझ्याच

होतात ना हाल ।

शब्दांची करतो

बचावाची ढाल ।

जमतच नाही

होतातच हाल ।

Sanjay R.

" ठेवू नको मनी राग "

नको ठेवू मनी राग

धीराने थोडे तू वाग ।

क्रोध असे अकारण

जाग जरा तुही जाग ।

अविचार आहे कसा

अशांत मनाचा भाग 

नको तापवू डोक्याला

मार्गि शांतीच्या तू लाग ।

क्रोधात होई विनाश

मनः शांती थोडी माग ।

Sanjay R.

" मुखवटा "

प्रत्येक चेहऱ्यावर एक मुखवटा

कोण खरा आणि कोण खोटा ।

खोट्याचे बघा किती घट्ट नाडे

सारेच फिरतात मग मागे पुढे ।

खऱ्याला सांगा कोण विचारे

दोषच नशीबाचा भोगतो सारे ।

चोरच फिरतात फुगवून छाती 

सत्यच हरते हे कुणाच्या हाती ।

Sanjay R.

" काय उरले काय संपले "

काय राहिले काय संपले
कशाचेच नव्हते काही होणार ।

वाट या मनातली जाते दूर
झेलतो मीच का असंख्य प्रहार ।

सुख दुःखाचे क्षण येती जाती
छोट्याश्या मनात किती विचार ।

माणसांच्या गर्दीत हरवलो
का मी एकटाच झेलतो प्रहार ।

पडते उठते ते छोटेसे बालक
गेले दाखवून जीवनाचा आधार ।
Sanjay R.

" लोभस हास्य "

लोभस असते हास्य

आवडणार कसे नाही ।

डोळ्यात ती चमक

सांगती ते बरेच काही ।

ओढ मनात अशी

शोधी दिशा दाही ।

होता ताटातूट जरा 

होते हृदयाची लाही ।

कळे अवस्था मनाची

पुकारते माही माही ।

Sanjay R.