" एक पाऊल पाहिले "

एक पाऊल पहिले 

नक्की बसवेल जम ।

व्यर्थ नाही हो जात

केलेले सारे श्रम ।

नका बाळगू आता

मनात कुठला अहम ।

टाका काढून थोडा

असेल जो भ्रम ।

ठेवा शांत चित्त आणि

नजर थोडी नम ।

यश असेल हाताशी

जीवनाचा हाच क्रम ।

Sanjay R.

" आहेत ही मेंढरं "

एका मागे एक सारे
जशी आहेत ही मेंढरं ।
नाही उरले विचार
डोक्यात भिनल वारं ।
प्रवाह नेईल जिकडे
वाहते तिकडे सारं ।
नाही कशाला आधार
जीवन झाले भार ।
बदलले किती आचार
उद्धवस्त सारे संसार ।
थांबतो कोण आता
झेलू सारेच प्रहार ।
Sanjay R.

" चैन कुठे या मनाला "

हरली तहान भूक 

चैन कुठे या मनाला ।

सारखी येते आठवण

सांगू आता कुणाला ।

लक्ष लागेना कशात

ध्यास तुझा जीवाला ।

येना सखे तू परतून

नको थांबवू श्वासाला ।

Sanjay R.

" नववर्षाच्या शुभेच्छा "

सरली आता रात्र कालची
वर्ष नवीन  हे आले ।
घेऊ चला या झेप आकाशी
विसरा काल काय ते झाले ।
Sanjay R.

" घड्याळ जीवनाचे "

कशाला हवे घड्याळ

आहेच कुणाला वेळ ।

जगताय ना जीवन

बसवा त्याचाच मेळ ।

बघा हा कोरोना

केला सगळाच खेळ ।

शिकलो म्हणतात किती

सगळीच तर होती भेळ ।

सोशल डिस्टनसिंग 

स्यानिटायझर शब्द न कळे ।

आपलेच गेलेत सोडून

अश्रूंनी ओले डोळे ।

वर्क फ्रॉम होम करा

लावा घराला टाळे ।

बंदिस्त होते श्वास

आत्माही कसा तळमळे ।

नोकरी धंदे किती बुडाले

उपाशी पोटात खळे ।

घर घर करत निघाले सारे

कोण कुणासाठी हळहळे ।

नवीन वर्ष येतंय आता

दिवसा मागून दिवस पळे ।

स्वछंद होऊन जगायचे आता

जुन्या वर्षाचे नकोच लळे ।

Sanjay R.