घराबाहेर निघायचे
खूप झाला एकांत ।
कोरोना ने केला
जगण्याचा अंत ।
परत येतो म्हणे
परत मनात खंत
जगू दे ना आता
नको जीवन संथ ।
कुठला कोरोना
काय त्याचा पंथ ।
दूर हो ना आता
राहा तूच निवांत ।
Sanjay R.
Wednesday, December 30, 2020
Tuesday, December 29, 2020
" तू नसतांना "
नकोच ही कल्पना
नको हा विचार ।
फक्त तू आणि मी
हाच एक आचार ।
थोडं तू लाजावं
वळून मी बघावं ।
गालात तू हसावं
आणि थोडं रुसवं ।
वाट ही आयुष्याची
मिळून दोघे चालावे ।
क्षण सुख दुःखाचे
मिळून दोघात वाटावे ।
Sanjay R.
Monday, December 28, 2020
" श्रद्धा आणि विश्वास "
सांग माणसा तू जरा
तुझ्या जीवनाचे काय मोल
ढळू नको रे हा असा
सांभाळ जरा तू तोल ।
भरला बाजार कसा हा
मिरवण्यास तुज हवा ढोल ।
शब्द तुझे बाण विषारी
लक्षणांचा तू कर विचार खोल ।
आचार तुझे रे लयास गेले
झाले आयुष्य तुझे रे गोल ।
श्रद्धा सबुरी आणि विश्वास
विचार हे सारे नाहीत फोल ।
Sanjay R.
Sunday, December 27, 2020
" शिकली सवरली मुलगी घरी "
शिकली सवरली मुलगी घरी
जीवनात तुमच्या काय न करी ।
उंच उडायाचे स्वप्न तिचे भारी
जुनाट विचारांची तोडेल दोरी ।
आनंद उत्साह सदा असेल दारी
जणू अवतरली स्वर्गातली परी ।
सुखी संसाराची गोष्ट ही खरी
जीवनात तुमच्या येतील सरी ।
अखंड लाभेल लौकीकाची वारी
शिकलेली मुलगी दुःख सारे हारी ।
Sanjay R.
Saturday, December 26, 2020
" अंधारमय जगणं "
झोपडीत एका
संसार चाले ।
आयुष्यच सारे
लक्त्तर झाले ।
फकीर मी काय
नशीबात आले ।
पैश्या शिवाय
कुठे काय चाले ।
कष्ट करूनही
भरेना हे पोट ।
सांगा भविष्य
आहे कुठे खोट ।
शिक्षण पाणी
मुलं अडाणी ।
डॉक्टर विनाच
चाले दवापाणी ।
गरिबाच्या घरची
हीच कहाणी ।
अंधारमय जगणं
मरण क्षणो क्षणी ।
Sanjay R.
Subscribe to:
Comments (Atom)