जगतो ठेऊन मनात आशा
कुठे मिळेल कुठली दिशा ।
दिवस रात्र पळापळ नुसती
वाजतो कष्टाचा ढोल ताशा ।
ध्येय अंतिम काय कुणाचे
पैसा पैसा बस एकच भाषा ।
दिवस रात्री किती सरल्या
उरल्या शेवटी काळ्या रेषा ।
Sanjay R.
Friday, December 4, 2020
Thursday, December 3, 2020
" नवी सकाळ नवी आशा "
रात्र होती स्वप्नांची
नकळतच सरली ।
पहाटेचा गजर झाला
झोपही मग हरली ।
उघडले डोळे जेव्हा
रात्र दूर जाऊन दडली ।
बघता दूर आकाशी
गाठ सूर्याशी घडली ।
परसात गुलाब फुलला
होती वेडावत लाली ।
चिवचिवत होते पक्षी
सांगे मज सकाळ झाली ।
मनोहारी स्वप्न माझे
आठवण तयाची आली ।
बघून स्वप्न साक्षात ते
पसरले हास्य गाली ।
Sanjay R.
Wednesday, December 2, 2020
" ट्वेन्टी ट्वेन्टी "
ट्वेन्टी ट्वेन्टी आले
कळलेच नाही कसे गेले ।
सगळेच होते घरात
वातावरण भीतीचे झाले ।
कोरोनाने केला घात
नोकरी धंदे बुडाले ।
हास्य मुखावरचे कसे
पावलो पावली हिरावले ।
नाही शाळा नाही खेळ
मुलंही किती कंटाळले ।
ऑनलाईन ऑनलाईन
जीवनच कसे झाले ।
नको वाटतं आता सारं
पुरे वर्षच असेच गेले ।
देवा मिळू दे सुख आता
पहा वर्ष नवीन आले ।
Sanjay R.
Tuesday, December 1, 2020
" स्फोट "
शांतीच भंग पावली
स्फोटक हे वातावरण ।
होईल कधीही युद्ध
स्वस्तच झाले मरण ।
अनाचार हिंसाचार
मूल्यांचेही हरण ।
कळत नाही काहीच
कुठले हे चरण ।
शोधावेच लागेल आता
लागेलच ना सरण ।
Sanjay R.
Monday, November 30, 2020
" लगन बाबूचं जुडलं "
पस्तिशीले टेकला बाबू
जुडेच न्हाई लगन ।
सारेच होते कंटायले
समजे न्हाई करा का लागन ।
एक दिस गावात आले बुवा
होते मने पुरं, जो जे मागन ।
बाबू धरून बुवाचे पाय म्हने
मायराज होईन कवा लगन ।
लय फिरलो गाव गाव
सांगा काय करा लागन ।
बुवा म्हने बाबुले जाजो पूर्वेले
तिकडं नशीब तुह खुलन ।
फकस्त धा दिस थांब
मंग होईन तुह मिलन ।
हरिक झाला बाबुले
म्हने होते आता लगन ।
चारच दिसात आले पावने
पोरगी पाहून जुयलं लगन ।
म्हने लय पावला मायराज
महा जमलं आता भजन ।
लयच खुश होता बाबू
ज्याले त्याला देये भाषन ।
तारीफ करे मायराजाची
म्हने किरपा त्यायचीच असन ।
Sanjay R.
Subscribe to:
Comments (Atom)