मनात किती आठवणी
जपतो एक एक मणी ।
आयुष्याचा क्षण प्रत्येक
सांगा टिपला तेथे कोणी ।
एकांतात होते मज याद
मनाचा आहे मी ऋणी ।
आठवण देते कधी आनंद
तर कधी डोळ्यात पाणी ।
व्यथित जेव्हा होते मन
तेव्हा मन मनाला जाणी ।
Sanjay R.
Friday, October 23, 2020
Thursday, October 22, 2020
" स्त्री शक्ती "
दे जरा सन्मान तू
या स्त्री शक्तीला ।
कर विचार थोडा
सांगा त्या व्यक्तीला ।
करू नको अन्याय
विचार तू मनाला ।
कोण ही नारी
विसरलास का आईला ।
हो जागा थोडा
बघ तुझ्या बहिणीला ।
उभी बाजूला तुझ्या
सांग तू पत्नीला ।
झाली मोठी थोडी
बघ तुझ्या मुलीला ।
नाते असो कुठलेही
स्थान हृदयात प्रेमाला ।
प्रत्येक रुपात दिसेल
कर तू नमन देवतेला ।
दुर्गा अंबा जगदंबा
भय तिचे राक्षसाला ।
होऊन निडर लढते
करतो सलाम शौर्याला ।
नारी तूच आहे महान
नाही शंका कोणाला ।
नतमस्तक आम्ही सारे
आधार तुझा जीवनाला ।
Sanjay R.
Wednesday, October 21, 2020
" नवरात्री उत्सव "
नवरात्री महोत्सव आहे सुरू
वाटतं मला काय काय करू ।
आठवते मला देवळतली गर्दी
जाता येत नाही होईल सर्दी ।
चौका चौकात देवीची आरास
निघताच येत नाही होतो त्रास ।
मनात होतं यंदा दांड्या खेळायचं
घरातल्या घरात कसं नाचायचं ।
बघा जरा आलेत कसे हे दिवस
सम्पू दे कोरोना मी करतो नवस ।
दिवाळी दसरा येइल पुन्हा परत
वर्ष हे यंदाचे आलेच आता सरत ।
Sanjay R.
Monday, October 19, 2020
" लगन पायतो करून "
गण्या आमचा लय भारी
म्हने लगन पायतो करून ।
पोरगी रावबाची दिसते हेमा
म्हने आनतो तिले धरून ।
घर हाये लहान पन
लगन झाल्यावर चालन ।
मायले सुख भेटन
आन बा ले आयतं जेवन ।
मलेबी होईन थोडी मदत
थोडं कामबी थे करन ।
मलेच भरा लागते पानी
थे बी थे भरन ।
माय म्हने मोठा आला तू
बायको तुई काय काय करन ।
एवढं काम करून बापू
पोरगी जगन का मरन ।
सून माई कवतीकाची
लय लाडाची थे आसन ।
मीच करीन काम आनं
थे गोष्टी करत बसन ।
हरिक आला गण्याले
मायचं बोलन आयकून ।
म्हने कराचंच आता लगन
देऊ अमदा धडकून ।
Sanjay R.
" रथ संसाराचा "
निघतो रथ संसाराचा
त्याला असती चाके दोन ।
चाले रथ रोज पुढे पुढे
खाच खळगे कुठे कोण ।
लक्ष असते जीवनाचे
विश्वास असतो विजयाचा ।
जय पराजय बाजू अनेक
उत्सव होतो आनंदाचा ।
डोकावून जाते दुःख कधी
विचार त्याचा नसतो मनी ।
प्रयत्नांची मग होते शर्थ
दूर होतात सारे शनी ।
फुलते मग बाग फुलांची
पाखरं होती दोन पक्षांची ।
दिवसामागून दिवस जाती
अविरत चाले चाकं रथाची ।
Sanjay R.
Subscribe to:
Posts (Atom)