एकटाच येतो तो
एकटाच जाणार ।
परिक्रमा एकट्याचीच
एकटाच पूर्ण करणार ।
प्रवासाचे सोबती सारे
जन्माला कोण पुरणार ।
चार पावलंच अंताला
मागे पुढे चालणार ।
अंतच आहे सत्य
सारे इथेच सरणार ।
मोह माया प्रेम सारे
आहे इथेच उरणार ।
Sanjay R.
Wednesday, September 9, 2020
Tuesday, September 8, 2020
" मृगजळ "
मायावी ही दुनिया
मृगजळ सारे ।
भरलेले सागर
कोरडे नदी किनारे ।
बरसत्या पावसात
शुष्क वाहते वारे ।
सूर्याच्या प्रकाशात
चमचमतात तारे ।
नसताना वादळ
फुलतात पिसारे ।
शांत नुसते भास
अशांत ते बिचारे ।
आनंदी मुखवट्यात
दुःख किती सारे ।
पापणीच्या आड
आहे आसवांचे झरे ।
Sanjay R.
Monday, September 7, 2020
" गुरू प्रकाशाचे किरण "
गुरू प्रकाशाचे किरण
भरलेले ज्ञानाचे धरण ।
ज्ञानाची ओढ ज्यासी
घेती ते सारेच शरण ।
गुरू करी ज्ञानाचे दान
करी विद्यार्थी ते पठण ।
विद्वेचा घेऊनिया सार
शिष्यांचे होई गठण ।
जीवनाचा करी तो आरंभ
करुनिया विद्या धारण ।
गुरू विना विद्या नाही
हवे नमन कराया गुरुचरण ।
Sanjay R.
Saturday, September 5, 2020
" ऋणी आम्ही गुरुजींचे "
गुरुजी माझे प्रायमारीचे
होते अतीच आवडीचे ।
असले जरी ते थोडे कडक
धडे शिकवायचे जीवनाचे ।
पांढरा शुभ्र त्यांचा पोशाख
रुबाबदार ते दिसायचे ।
शिस्त म्हणजे त्यांचा बाणा
सारेच त्यांना घाबरायचे ।
गृहपाठ जो करून येई
पाठ त्याची थोपटायचे ।
अभ्यास जो न करता येयी
पाठीत रट्टा त्याच्या घालायचे ।
कडक जरी ते असले तरी
सगळ्यांनाच खूप आवडायचे ।
जडलो घडलो आज आम्ही जे
ऋणी आहोत सारे गुरुजींचे ।
Sanjay R.
Friday, September 4, 2020
" हिम्मत कोरोनाची "
वाढत आहे हिम्मत
बघा आता कोरोनाची ।
गरज आहे आपणास
काळजी थोडी घेण्याची ।
मोकळे झालेत रस्ते
वाढली गर्दी रहदारीची ।
बिनधास्त होऊन नका फिरू
घ्या काळजी स्वतःची ।
फिरून वापस येतो म्हणे
वाट बघू या लसीची ।
जपून वागा जपून राहा
गरज आहे काळजीची ।
नुकसान तर झालेच आहे
नको काळजी पैश्याची ।
जगलो वाचलो परत येतील
काळजी फक्त जीवनाची ।
Sanjay R.
Subscribe to:
Posts (Atom)