प्रश्न काय कुठे आहे
प्रश्नातच उत्तर आहे ।
दरवळतो सुगंध
ते तर अत्तर आहे ।
जीवनाच्या वाटा
किती खडतर आहे ।
जायचे तरीही पुढे
चक्र हे निरंतर आहे ।
पुढे चला थांबू नका
हेच तर उत्तर आहे ।
Sanjay R.
Wednesday, September 2, 2020
Monday, August 31, 2020
" थैमान पावसाचे "
दिवस हे पावसाचे
आच्छादन आभाळाचे ।
साम्राज्य सावलीचे
नाही दर्शन सूर्याचे ।
रिमझिम नृत्य चाले
अंगणात पावसाचे ।
अंग अंग भिजले
लोट वाहे पाण्याचे ।
नदी नाले गेले भरून
थैमान तिथे पुराचे ।
जीवनाची झाली गती
ओघळ वाहे आसवांचे ।
Sanjay R.
Saturday, August 29, 2020
" शेतकरी "
मी आहे शेतकरी
कर्माने मी कष्टकरी ।
राबतो मी दिवस रात्र
जीवन माझे हातावरी ।
नेहमी नजर आकाशात
भीती असते अंतरात ।
निसर्गाचे चक्रच न्यारे
झेलतो सारेच मी आघात ।
बांधावरती होऊन उभा
बघतो जेव्हा स्वप्न सुखाचे ।
मागून येऊन धडक मारते
जीवन माझे आहे दुःखाचे ।
रक्ताचे मी करतो पाणी
लुटून नेतो दुसराच कोणी ।
भोग भोगतो शेतकर्यांचे
डोळ्यातही मग नसते पाणी ।
Sanjay R.
Thursday, August 27, 2020
" स्वप्न मनातले "
प्रत्येकाचेच स्वप्न असते
नाव लौकीक मिळवणं ।
हळव्या असतात भावना
त्याही थोड्या जपणं ।
हवा असतो आनंद
मिळतो त्यात परमानंद ।
होतो कधी व्यक्त
शब्दात उतरवणे हाही छंद ।
रमतो स्वतःच्याच विश्वात
होतो त्यातच धुंद ।
बघून दुःख सारे
होऊन अश्रू गळतात बंध ।
Sanjay R.
Subscribe to:
Posts (Atom)