Tuesday, July 7, 2020
Monday, July 6, 2020
" पहिला पाऊस "
पहिल्या पावसाची तर
असते तऱ्हाच न्यारी ।
वाट बघतात सारे
करून सारी तयारी ।
नागर वखर फिरवून
जमीन होते तयार ।
वाट बघतो बळीराजा
करतो पावसाचा विचार ।
सूर्याच्या तापत्या कहाराने
होतात सारे बेजार ।
बघतात वाट पावसाची
वाटे स्वप्नांचा आधार ।
धरा पण असते प्रतीक्षेत
निसर्गाला येण्या बहार ।
नदी नाले, तलाव झरणे
वाहे पाण्याची धार ।
Sanjay R.
Saturday, July 4, 2020
" प्रियकर चहाचे "
उठताच सकाळी
हवा एक चहा....
कामाची सुरुवात
नंतरच पहा...
पाहुणा मेहुणा
असो कोणीही....
आदरातिथ्य करायचे
देऊन चहा....
चहा विना टाइम पास
काम कठीण महा....
असेल वेळ काढायचा
तर सोबती होतो चहा.....
भूक असो नसो
केव्हाही चालतो चहा....
नाही मिळाला चहा तर
लागते रुख रुख पहा.....
राग असो प्रेम असो
चमकतात तारे.....
चहासाठी कधी कधी
दुखते डोके सारे....
चहा चहा म्हणताच
तलफ येते भारी......
चहा पिऊन बघा
फिरून येते हुशारी....
सवय चहाची
नसेल हो बरी.....
प्रियकर चहाचे
आहेत खूप तरी.....
Sanjay R.
Friday, July 3, 2020
" जीवन ही लघुकथा "
जगणे माणसाचे
आहे यात व्यथा ।
इति पासून अंतावरी
होते मोठी गाथा ।
दिवस रोजचा असे
एक लघु कथा ।
झुकवून चरणी
उंचावतो माथा ।
पाळीतो जीव प्रत्येक
पोटासाठी प्रथा ।
शमेना ही भूक कधी
अतृप्त सारेच नाथा ।
भ्रमंती आयुष्याची
झिजवतो लाथा ।
डोळ्यात आसवंच
उरलेत आता ।
Sanjay R.
" गेले ते दिवस "
दिवसा मागून दिवस गेले
सांग जीवनात काय केले
आयुष्याचे अर्धे वर्ष
पाठ जीवनाचे शिकणे झाले ।
उरले सुरले सारेच वर्ष
पैसा पैसा करण्यात गेले ।
हसणे कधी रडणे कधी
यातच सारे रडगाणे झाले ।
पाहता पाहता अंत आला
जन्मभराचे जळणेच झाले ।
Sanjay R.
Subscribe to:
Comments (Atom)