" जीवन प्रकाशाचे किरण "

जीवन प्रकाशाचे किरण

जगण्याला त्याचेच कारण ।

ठरवायचे रोज नवे धोरण

बांधायचे सकाळी तोरण ।

पोटासाठी जातो शरण

कष्टाचे त्याला पारण ।

सारतो एक एक दिवस

अंताला शेवटी येते मरण ।

रचायचे मग शेवटाचे सरण 

रूप नव्याचे होते धारण ।

रात्रंदिवस चाले प्रवास

चंद्र सूर्य सोबतीला आमरण ।

 Sanjay R.

 

" पहिली भेट "

भेटतो मी तुला जेव्हा

वाटतं ही आहे आपली

अगदी पहिलीच भेट ।

हृदयात होतात कम्पन

मनाला आनंद आणि

नजर डोळ्यात तुझ्या थेट ।

Sanjay R.

" वाट पाहतो उत्तराची "

सांग तूच आता

किती वाट बघायची ।

प्रश्न होता माझा

वाट तुझ्या उत्तराची ।

प्रश्नांचे तर वादळ इथे

दूर त्याला सारण्याची ।

अंतरात आहे आस

नाव ही जीवनाची ।

बेचैन होते मन जेव्हा

तडफड होते आठवांची ।

सुने वाटे तुझ्या विना

बरसात होऊ दे पावसाची ।

Sanjay R.

" प्रवास हा एकट्याचा "

इति पासून अंता पर्यंत

प्रवास हा एकट्याचा ।

वाटेत प्रवासी बहुत

चाले संवाद अंतराचा ।

वाट ही वाळणांची

खाचा आणि खळग्यांची ।

घेऊनिया काळजी सारी

पदक्रांत ती करायची ।

दुःखाचे काटे कुठे

हाव सुखाच्या वाटेची ।

पडता पाऊल मधे 

होते दैना जीवनाची ।

जन्म मृत्यू दोन टोके

त्यात जाळी जीवनाची ।

प्रवास हा एकट्याचा

सोबत त्यात अंतराची ।

Sanjay R.

" महिला दिवसाच्या हार्दिक शुभेच्छा "

आई तू बहीण तू

पत्नी तू  पुत्री तू

आहेस तू नारी ।

अंबा तू जगदंबा तू

देवी तू,लक्ष्मी तू

हाती तुझ्या ग

जीवनाची दोरी ।

मैत्रीण तू , प्रेयसी तू

स्वप्नातली परीही तू

तूच आहे परोपकारी ।

Sanjay R.