सांग ना मना
काय तुझी कामना ।
वाटते जे तुला
विचार तो रे जुना ।
छेडतो मज का
हा असा पुन्हा पुन्हा ।
छळणार रे तू किती
माझा काय गुन्हा ।
एकांत हा असा
वाटतो मज सुना ।
सांग निरोप माझा
जाऊन तू कुणा ।
वाट मी बघतो
अंतरात त्याच खुणा ।
Sanjay R.
Saturday, March 7, 2020
" चला थोडे हसू "
चला थोडं हसू
नका कोपऱ्यात बसू ।
जगायचंना जीवन तर
असे नका रुसू ।
दाखवा थोडे दात
नका दुःखात असे फसू ।
शोधून थोडा आनंद
छान छान थोडे दिसू ।
Sanjay R.
Friday, March 6, 2020
" कल्पनांची वाहती नदी "
लेखणी तर आहे माझ्या
कल्पनांची वाहती नदी ।
विचारांचा डोंगर पाठी
काठावर हिरवी वादी ।
बांधून पाट मी त्यावर
करतो गोळा शब्द थोडे ।
लिहिते लेखणी माझी
काव्य रचनेचे धडे ।
प्रतिक्रिया वाचकांच्या येता
मन होते आनंदाचा फुलोरा ।
दरवळतो चहूकडे सुगंध
बदलतो चेहऱ्यावरचा तोरा ।
Sanjay R.
Thursday, March 5, 2020
" आठवते अजून ती संध्याकाळ "
दिवसभराची करून परिक्रमा
सूर्यही निघाला अस्ताला ।
अशीच ती रम्य संध्याकाळ
लागले तांबडे पसरायला ।
पक्षी शोधती घरटे आपुले
ओढ लागली मनाला ।
मनात उत्साह भरलेला
आनंद चेहऱ्यावर बहरलेला ।
सायंकाळ तुझ्या माझ्या भेटीची
आठवतो प्रसंग घडलेला ।
मन मनात गुंतलेलं आणी
हात हातात गुंफलेला ।
अबोल होते शब्द जरी ते
कळले सारेच अंतराला ।
जवळ येउनी एक झालो
श्वासात श्वास मिळालेला ।
अवतरल्या मग दूर चांदण्या
लागल्या चम चम चमकायला ।
तुझे माझे नाते जुळले
लागले जीवन फुलायला ।
Sanjay R.
Wednesday, March 4, 2020
" बंदिस्त तुझे विश्व "
बंदिस्त तुझे विश्व
या खिडकीच्या आड ।
टाक उपटून ते गज
वृक्ष बंधनाचा तू पाड ।
निरभ्र झाले आकाश
वरून सूर्य डोकावतो ।
क्षितिज हे दूर किती
पक्षी गगनात झेपावतो ।
ये तुही बाहेर जरा
मोकळ्या या हवेत ।
घे भरून श्वास थोडे
आनंद तुझ्या कवेत ।
Sanjay R.
Subscribe to:
Posts (Atom)