दिवसभराची करून परिक्रमा
सूर्यही निघाला अस्ताला ।
अशीच ती रम्य संध्याकाळ
लागले तांबडे पसरायला ।
पक्षी शोधती घरटे आपुले
ओढ लागली मनाला ।
मनात उत्साह भरलेला
आनंद चेहऱ्यावर बहरलेला ।
सायंकाळ तुझ्या माझ्या भेटीची
आठवतो प्रसंग घडलेला ।
मन मनात गुंतलेलं आणी
हात हातात गुंफलेला ।
अबोल होते शब्द जरी ते
कळले सारेच अंतराला ।
जवळ येउनी एक झालो
श्वासात श्वास मिळालेला ।
अवतरल्या मग दूर चांदण्या
लागल्या चम चम चमकायला ।
तुझे माझे नाते जुळले
लागले जीवन फुलायला ।
Sanjay R.
No comments:
Post a Comment