रे बळीराजा…..
सहनशक्ती तुही सांग
किती हाये रे अपार ।
कयनार न्हाई कधीच तुले
थ्या चाकूची रे धार ।
न्हाइ ठाव, अजब रे
हाये हे सरकार ।
पोटावर तुह्या होते
किती किती रे वार ।
सांग तूच आता तुले
हाये कोनाचा आधार ।
किती रे झेलशीन तू
हे अशे परहार ।
काया मातीत राबतो
न्हाई तुले दिस वार।
घरात जगतेत किती
सांग किती तुहा भार ।
पै पै लागे मातीत
घेते पाऊसच इसार।
सावकारापुढ कसा
होतो रे तू लाचार ।
तिसरा मधीच कोनी येते
करते तुह्या व्यापार ।
खिसा घेते हिसकुन
आनं सरतेत ईचार ।
सांग ठनकावून जरा
तूच जगवतो सारा भार ।
नको रे सोसू असा
एकटाच सारे वार ।
फेक फंदा फाशीचा
दे घराले तू आधार ।
टाक उलटून आता
सरकारचा ह्या दरबार ।
जयुन तू रे जयनार किती
राखे ईना काय उरनार ।
टाक जायुन तू आता
पडू दे त्यांयचेच निखार ।
संजय रोंघे,
नागपूर .
मोबाईल : 8380074730
