ताण तणाव किती सारा
सांगा कसे जगायचे ।
नाही सुख कुठेच उरले
सांगा दुःखात कसे हसायचे ।
घरी टेन्शन दारी टेन्शन
टेन्शन मधेच का राहायचे ।
बीपी जडला श्वास अडला
रात्रभर फक्त जागायचे ।
टांगलेला चेहरा घेऊन
कसे दिवसभर फिरायचे ।
तीळ तीळ मनात कुढत
एक दिवस असेच मरायचे ।
सोडा टेन्शन हसा थोडे
म्हणा मना मला जगायचे ।
जे होईल ते होऊ दे
पण हसत हसत मरायचे ।
Sanjay R.
झुळ झुळ वाहते नदी जिथे
सळ सळ करतो वारा तिथे ।
रंग हिरवा फुलतो जिथे
काळ्या मातीचा गंध तिथे ।
घण घण वाजे घंटा जिथे
ऐकून भूपाळी सूर्य उठे ।
घाम गाळतो माणूस जिथे
व्रत उपासाचे रोजच तिथे ।
नाही पैसा नाही अडका
तरीही कसा तो शांत तिथे ।
आभाळ घराचे छत जिथे
नाही भिंतींचा आधार तिथे
सांगतो तरीही तो अभमानाने
गाव माझा मी राहतो इथे ।
शहराला तर कहाणी कुठे
मरून गेली माणुसकी तिथे ।
आचार विचार नाही जिथे
भ्रष्टांचा नुसता बाजार तिथे ।
गाव माझा बरा इथे
शहर झाले स्मशान तिथे ।
Sanjay R.
