झुळ झुळ वाहते नदी जिथे
सळ सळ करतो वारा तिथे ।
रंग हिरवा फुलतो जिथे
काळ्या मातीचा गंध तिथे ।
घण घण वाजे घंटा जिथे
ऐकून भूपाळी सूर्य उठे ।
घाम गाळतो माणूस जिथे
व्रत उपासाचे रोजच तिथे ।
नाही पैसा नाही अडका
तरीही कसा तो शांत तिथे ।
आभाळ घराचे छत जिथे
नाही भिंतींचा आधार तिथे
सांगतो तरीही तो अभमानाने
गाव माझा मी राहतो इथे ।
शहराला तर कहाणी कुठे
मरून गेली माणुसकी तिथे ।
आचार विचार नाही जिथे
भ्रष्टांचा नुसता बाजार तिथे ।
गाव माझा बरा इथे
शहर झाले स्मशान तिथे ।
Sanjay R.
No comments:
Post a Comment