" गुरूपौर्णिमा "

चाले मनात ध्यास
गुरू माझा श्वास  ।

ज्ञानी करून सोडिले
जीवनी तेचि प्रयास ।

गुरू विना मार्ग हा
असता गेला लयास ।

महिमा गुरूंची माझ्या
जाहले जीवन खास ।

अर्पितो चरणी गुरूंच्या
श्रद्धेची मी आरास ।
Sanjay R.

" टाकजा एक दोन हारं "

काऊन का भाऊ यंदा
मारली पावसानं दांडी ।
मिरवत लय होती आता
गेली उडून माही झंडी ।

पै पै जोडून , दागिना मोडून
केली जमा म्या रकम  ।
हात पाय जोडून आन
कर्ज काढून घेतलं बियानं    ।

कसं होईन आता सांगा
सावकार बसन का बोकांडी ।
तयारी लेकीच्या लग्नाची
पर होईन उलार बंडी ।

पावसाचं भाऊ आता
रायलं न्हाई खरं ।
मेलो गिलो ना बावा
त टाकजा एक दोन हारं ।
Sanjay R.

" दिवस काळा "

होईल का घोषित दुष्काळ
जाईल निघून पावसाळा ।
झाले कुठे पाणीच पाणी 
कुठे अजूनही सूर्याच्या झळा ।
गेले वाहून शेत कुठे तर
गेला वाळून कुठे मळा ।
झाले अनिश्चित सारेच आता
दूर नाही तो दिवस काळा ।
Sanjay R.

" नको करू उजाड "

रूप कुणाचे
गुण कुणाचा
काय रे तू भाऊ ।
तुझ्या पेक्षा
सुंदर आमचा
काव काव काऊ  ।

सारेगम गातो कसा
ना  आवाज
ना तुला सूर ।
कोकीळ गाते
कुहू कुहू
तूच रे बेसूर ।

चिव चिव चिमणी
साद देऊनी
भुर्रकन उडे ।
डाव साधतो
कसा रे तू
करतो पुढे पुढे ।

हिरवा पोपट
पांढरे कबुतर
सारेच किती छान ।
जंगल झाडे
सरले आता
काय करू तुझे ज्ञान ।

लाव ना रे तू
एक एक झाड
नको करू उजाड ।
पडेल पाऊस
हिरवी सृष्टी
नदी नाले पहाड ।
Sanjay R.

" पंढरीची वारी "

आलो करून मी वारी
झाले दर्शन रे तुझे हरी ।

गर्दी अमाप, फुलली पंढरी
मनी भाव भक्तीचा परी ।

मुखी चाले घोष पांडुरंग हरी
झालो पावन चंद्रभागेच्या तीरी।

दर्शनाचा हर्ष दाटला उरी
विठ्ठल विठ्ठल माझा हरी ।
Sanjay R.