काऊन का भाऊ यंदा
मारली पावसानं दांडी ।
मिरवत लय होती आता
गेली उडून माही झंडी ।
पै पै जोडून , दागिना मोडून
केली जमा म्या रकम ।
हात पाय जोडून आन
कर्ज काढून घेतलं बियानं ।
कसं होईन आता सांगा
सावकार बसन का बोकांडी ।
तयारी लेकीच्या लग्नाची
पर होईन उलार बंडी ।
पावसाचं भाऊ आता
रायलं न्हाई खरं ।
मेलो गिलो ना बावा
त टाकजा एक दोन हारं ।
Sanjay R.
होईल का घोषित दुष्काळ
जाईल निघून पावसाळा ।
झाले कुठे पाणीच पाणी
कुठे अजूनही सूर्याच्या झळा ।
गेले वाहून शेत कुठे तर
गेला वाळून कुठे मळा ।
झाले अनिश्चित सारेच आता
दूर नाही तो दिवस काळा ।
Sanjay R.
रूप कुणाचे
गुण कुणाचा
काय रे तू भाऊ ।
तुझ्या पेक्षा
सुंदर आमचा
काव काव काऊ ।
सारेगम गातो कसा
ना आवाज
ना तुला सूर ।
कोकीळ गाते
कुहू कुहू
तूच रे बेसूर ।
चिव चिव चिमणी
साद देऊनी
भुर्रकन उडे ।
डाव साधतो
कसा रे तू
करतो पुढे पुढे ।
हिरवा पोपट
पांढरे कबुतर
सारेच किती छान ।
जंगल झाडे
सरले आता
काय करू तुझे ज्ञान ।
लाव ना रे तू
एक एक झाड
नको करू उजाड ।
पडेल पाऊस
हिरवी सृष्टी
नदी नाले पहाड ।
Sanjay R.
आलो करून मी वारी
झाले दर्शन रे तुझे हरी ।
गर्दी अमाप, फुलली पंढरी
मनी भाव भक्तीचा परी ।
मुखी चाले घोष पांडुरंग हरी
झालो पावन चंद्रभागेच्या तीरी।
दर्शनाचा हर्ष दाटला उरी
विठ्ठल विठ्ठल माझा हरी ।
Sanjay R.
कशाला रे देवा
दिलं मला हे पोट ।
स्वभावात माणसाच्या
त्यानच केली खोट ।
भरण्यासाठी पोट
कुणी करतो कष्ट ।
सरले विचारकी
होतो खूपच दुष्ट ।
करतो चोरी मारी
मारतो खिशावर डल्ला ।
नाती गोती विसरून सारी
करतो प्राणावरच हल्ला ।
अनाचार भ्रष्टाचार
सारेच खुले रस्ते ।
जीवन माणसाचं
झाले किती रे सस्ते ।
कशाला रे देवा
दिलं हे पोट ।
आपलेच दात आणि
आपलेच ओठ ।
Sanjay R.
