" नाद "

कपाळावर केसांची बट
देते हृदयास माझ्या साद ।
मनासही ऐकायचा तुझ्या
अंतरातला प्रेमाचा नाद ।
Sanjay R.

" काटे गळून गेले "

हृदय मी जेव्हा तुला दिले
काटे गुलाबाचे गळून गेले
दरवळतो सुगंध आता
अंगण बघ कसे बेधुंद झाले ।
Sanjay R.

" वाटे सुने सारे "

शोधतो तुलाच मी
वाटत
असावी तू शेजारी ।

तुझ्याविना सुने सारे
सांगतो
आहेस तूच अंतरी ।

हसणे तुझे रागावणे
वाटते
मजला किती भारी ।

तरी शोधतो तुलाच मी
अंतरातल्या
त्या दिशा चारी ।
Sanjay R.

" गोष्ट एक "

संगतो ना गोष्ट एक मी
तुह्या माह्या प्रेमाची ।
भाव लयच खात तू
पर हायेस लय गुणाची ।
राग तुया नाकावर पर
पेरमळ लय ओ मनाची ।
हायेस ना तू संग माह्या
फिकीर न्हाई मले कोनाची ।
जीव महा आता तुयात
जागल करजो माया प्रेमाची ।
Sanjay R.

" दाखवा टोला "

झाली निवडणूक
निकाल आता ।
पडलो जर तर
काय खाता ।

कोळसा झाला
चारा झाला ।
माल सगळाच
खिशात आला ।

रस्ते विकास
पाहिजे कुणाला ।
पाणी हवं आता
जगवा माणसाला ।

जमत नसेल तर
उचला झोला ।
मोदी राहुलला
दाखवा टोला  ।
Sanjay  R.