" गणित "

वेळेचे गणित
काही बरे नाही ।
डोळ्याला डोळा
लावून बघायचं
लक्षणही खरं नाही ।
थोडी मस्ती
थोडा दंगा ।
आयष्यभर तर
असतोच पंगा ।
आयुष्य खरच हा
खेळ नाही ।
जागून घ्या आत्ता थोडं
म्हणाल नाहीतर
मेलो आता बघा
तरीही वेळ नाही ।
Sanjay R.

" जागरण "

नको करुस तू अबोला
सूर्यही पर्वता आड गेला ।

संध्या हळूच बघ आली
पक्षी निघाले घरट्याला ।

आभाळ झाले तांबडे
गेले आमंत्रण रात्रीला ।

चांदण्या फुलतील आकाशी
चंद्र लपला आडोशाला ।

अमावशेची रात्र बघ ही
येईल काजवा जगरणाला ।
Sanjay R.

" मांडवस "

मराठी नववर्षाचा दिवस आज
उभारून गुढी करायचा खास ।

शुभ आरंभ चला करू आपण
आता नवीन ध्येय नवा प्रवास ।

बांधा तोरण ध्वज उभारा
उम्मीद नवी ही भर श्वास ।

पाडवा म्हणा वा म्हणा मांडवस
विजयाचा आहे मनात ध्यास ।
Sanjay R.

" सांग ना "

स्वप्न माझे तूच
किती ग छळशील मला
भावना मनातल्या
का कळतील ग तुला ।

मन माझेही आतुर
मी सांगू कसे तुला ।
श्वास माझा तूच
सखे सांग ना ग मला ।
Sanjay R.

" पेव "

" पेव "

डराम कोठ्या नव्हत्या तवा
अनाज ठिवाले होते पेव ।

बिनधास्त राहे अनाज
उंदरा चिलटाच नव्हत भेव ।

दुष्काय जरी मंग पडला
राहे सोबतीले थोच देव ।

गावा गावात पहा आता
उरले नाही कुठंच पेव ।

राशन करडान चिंता गेली
दोन रुप्यात पोटभर जेव ।

काम धंदा सोडून सन्या
सरकारलेच अखिन शिव्या देय ।
Sanjay R.