" नदी "

आमच्या गावले
होती एक नदी ।

तपते लयच ना
उन्हाळ्या मधी ।

होत न्हाई पाऊस
पावसायात कदी ।

पार आटून गेली
रायली न्हाई सुदी ।

वाटन बी नाई तुमले
होती नदी कधी ।

लय हाल उन्हायाचे
पानी दिसते डोयामदी ।
Sanjay R.

" मैत्री एक आनंद "

तुझ्या आणि माझ्यातला
एक अतूट बंध ।

जसा अंगणात फुलला मोगरा
आणि दरवळतो सुगंध ।

चल वेचू या दोघेही यातून
मैत्रीचा आनंद ।
Sanjay R.

" झोपडी "

न्हाई भीती न्हाई छत
सताड उघडं दार ।

पैसा अडका काय कामाचा
श्रीमंत मनाले सांगा कायचा भार ।

सुखा दुखा मंदी एक सारे
देतेत यकमेकाले आधार ।

आनंदी सारे झोपडीत माह्या
ह्याच जीवनाचा माह्या सार ।
Sanjay R.

" तूच माझा श्वास "

जीवनात माझ्या तू आलास
सुख दुःखात तूच धीर दिलास ।

का रे अर्ध्यातच सोडून मज
असा रे तू निघून गेलास ।

सांग संख्या तुजविण मी
आता घेऊ कशी रे श्वास ।

स्मृती तुझ्याच रे मनात माझ्या
तुजविण नकोच वाटतो हा प्रवास ।
Sanjay R.

" अच्छे दिन येतेच आता "

अच्छे दिन येतेच आता
थांब ना वो थोडं ।

लग्नात न्हवत दिल मले
तुया बापानं घोडं ।

रिक्षामंदी आलतो तवा
काराले तुले जोड ।

अच्छे दिन येतेच आता
थांब ना वो थोडं ।

लय शिरमंत सासरा मने
दोस्ताय मंदी होड ।

भापकाच निस्ता दावला त्यानं
अंदर पोकळ फोड ।

अच्छे दिन येतेच आता
थांब ना वो थोडं ।

जाऊ दे झालं लगन आता
वाटते तूच मले गोड ।

फकस्त होऊ नको अप्पू
रायजो थोडी रोड ।

अच्छे दिन येतेच आता
थांब ना वो थोडं ।

कायची कायची हाऊस तुले
घेऊ नको लोड ।

साऱ्याच इच्छा पुऱ्या करिन
हट्ट तुया सोड ।

अच्छे दिन येतेच आता
थांब ना वो थोडं ।

अमदा न्हाई पिकलं मुन
रायली कर्जाची तोड ।

पुढच्या साली जमन भजन
देतो सोन्याची मोड ।

अच्छे दिन येतेच आता
थांब ना वो थोडं ।
Sanjay R.