चार भिंतींना खिडकी आणी दार
आत थाटलेला स्वप्नांचा संसार ।
नात्याला असेल नात्याचा आधार
घराला मिळेल भावनांचा शेजार ।
Sanjay R.
Thursday, September 27, 2018
" घर "
Tuesday, September 25, 2018
" गळफास "
मिळुन स्वातंत्र्य आम्हास
झालो स्वतंत्र आम्ही जरी ।
मोजू नका हो दिवस
लोटलेत वर्ष कितीतरी ।
करुनी संशोधन अपार
पोचलो आम्ही मंगळा वरी ।
तरी लक्ष कुणाचे आहे
जगतो पारतंत्र्यात शेतकरी ।
रात्रंदिवस मरेस्तो राबतो
एकही दाना नाही घरी ।
वाट पाहतो चातक होऊन
पडतील कधी पावसाच्या सरी ।
बी बियाणे खते औषधे
होतो असाच कर्जबाजारी ।
एकच पाऊस देतो धोका
गाळून पडते मेहेनत सारी ।
कुणास काय जगतो कसा
किंमत शून्य आहे सरकारी ।
घेऊन गळफास लटकतो जेव्हा
करता करविता तोच हरी ।
Sanjay R.
Monday, September 24, 2018
" दिवस हरवून गेले "
सहजच उलगडता आयुष्याची पाने
आज का कसे आठवण देऊन गेले ।
जन्मापासूनचा तो इतिहास पहा
ते दिवसच कुठे हरवून गेले ।
मातीच्या भिंती त्याला कवलांचे छत
घर म्हणायचो ज्याला ते पडूनच गेले ।
अंगणात असायची बाग आणी बागेत फुलं
परसातली तुळसही सूकूनच गेली ।
गडबड गोंधळ, चाले मुलांचा कल्लोळ
सगळीकडे आता शांत शांत झाले ।
कंचे विटी दांडू धापाधुपी लपाछपी
कसे किती ते खेळ सारे लुप्त झाले ।
आपल्याच धुंदीत डोळे फोडून बघा आता
मोबाईल साऱ्यांच्या हाती आले ।
ऊन थंडी पाऊस वारा नी वेचायच्या गारा
बसल्या जागेवर आता शीण येतो सारा ।
अंतर असो कितीही पायी पायी चालायचे
लपून छापून कधी सायकलवर बसायचे ।
गॅस कुकर पंखा एसी बसायला सोफा
नव्हते यातले काहीच, पाटावरच बसायचे ।
दंगा मस्ती, गप्पा गोष्टी, आनंद सारा
सारेच कसे मोठमोठ्याने हसायचे ।
बालविहार गीतमाला रेडिओ आकाशवाणी
आरामात बसून कान लावून ऐकायचे ।
सारच संपलं आता, गेले जुने दिवस
सांगेल का कोणी काय आता सरस ।
Sanjay R.
Sunday, September 23, 2018
Friday, September 21, 2018
" सरन "
जगता जगता येते मरन
जमवून ठिवजा लागन सरन ।
यमदूत लय झालेत
सांभायून रायजा बा
नाहीत येऊन कोनिबी धरन ।
Sanjay R.
Subscribe to:
Posts (Atom)