गडगडाट

बघता बघता आज पाऊस आला
उष्ण वारा गार झाला ।
थोड्याच वेळात पावर गेला
सगळीकडे अंधार झाला ।
ढगांचाही गडगडाट झाला
आनंद सगळ्यांना अफाट झाला ।
नभा आड सूर्य बाद झाला
झाडा झुडपात ही प्राण आला ।
Sanjay R.

एक ढग तू

फक्त एकदा
वळुन थोडं बघ तू ।
सुंदर हे आकाश
त्यातलाच एक ढग तू ।

आसुसले सारेच इथे
दे एक थेंब तू ।
फुलेल हसेल धारा सारी
बदल सारे जीवन तू ।

थेंबे थेंबे साचेल तळे
सागराचा कण तू ।
वाऱ्या सांगे बरस थोडा
ओल्या मातीचा सुगंध तू ।
Sanjay R.

सहज जाता जाता

सहजच सरळ जाता जाता
तिरक्या नजरेनं बाजूला बघायचं
कोण बघतेय आपल्याला
जाणुन थोडं फुलायचं ।

सहजच सरळ जाता जाता
खाली थोडं बघायचं
धोंडे माती रस्ता कसा तो
संभाळूनच थोडं चालायचं ।

सहज सरळ जाता जाता
वर आकाशात थोडं बघायचं
गर्दी ढगांची बघून
चालण्याच्या गतीला थोडं वाढवायचं ।

सहज सरळ जाता जाता
वळून मागे नाही बघायचं
भुतकाळ मागे सारा
पुढे अजून पुढेच बघायचं ।

सहज सरळ जाता जाता
विचारात नाही गुफटायच
भविष्याचा गढ उंचच उंच
शिखरावर जाऊन पोचायचं ।
Sanjay R.

कृष्ण सावळा

काळा काळा
कृष्ण सावळा
मागे गोपिकांचा मेळा
मानमोहना तू रे
लाविला साऱ्यासी लळा
एक राधा ती
प्रेम फुलले अंतरात
तिज भासे तू निळा
फुलला बहरला मळा
सूर बासरीचे तुझ्या
तृप्तीचा आनंद वेगळा
Sanjay R.

मी वर्हाडी

" मी वर्हाडी "

वाट्ते ना भाऊ मलेबी
वऱ्हाडीचा अभिमान।

वऱ्हाडात जलमलोना
मुनच हाये मले साभिमान ।

लयच झालना का भौ
घेतो मी बी देवाची आन ।

साधाच मानुस मी
नको मले बापू मान पान ।

नसन ना हुशार मी
तरी हाये मले सारंच ग्यान ।

तुया इतलाच आसन मी
नको समजू मले ल्हान ।

जास्त नाई पर सांगतो तुले
लय फिरलो मी रान न रान ।

आरशात बी पाऊनच हावो
ठीक ठाकच हाये महा वान ।

कंदी मंदी पूजा बी करतो
देतो गरीबायले थोडं दान ।

बोललं कोनी का मंग ना
सुटते आपलंबी मंग भान ।

वरहाडाची मातीच अशी
काळी मुलायम लोण्यावानी छान ।
Sanjay R.