" नाव मायं सबिना "

नाव मायं सबिना
कोनी मले काइ मना ।
आज सांगतो तुमाले
आमच्या मिया बिबिचा रोना ।

रोज रोज माया
जिवनात हाये.ना थेच ।
पिसायला जिव महा
झालं आता लैच ।

दरसाल रायते माया
कडिवर एक मुल ।
आनं हाती देते धनी
गुलाबाचं फुल ।

सक्काय पासुन संसाराचा
ओढाचा गाडा ।
इसरले मी आता
गनिताचा फाडा ।

जनमच बाईचा
कितीबी करा सरत न्हाई ।
थोच मंते मले फासी घेइन
मी मातर कानं मरत नाई ।

चांगल्या दिनाची म्या
लै पायली वाट ।
जलमालेच जुतली
माया गरिबीची खाट ।

देउ दे आता गुलाबाचं फुल
दावतो त्याले सबन रुल ।
सगयायनं केलं कसं
थोच करतो आपलाबी उसुल ।
© Sanjay R.

" जय गजानन "

आम्ही भक्त
तुझे गजानना ।
वंदन करतो
पुन्हा पुन्हा ।।

शेगा्वी जावे
वाटे मना ।
दर्शनाची आस
आहे जना ।।

कांदा भाकर
नको कुणा ।
श्री गजानन
सारे म्हणा ।।
Sanjay R.

" इशारा "

आनंदाने बघ झुलतो वारा
टपटप पडती पाउस धारा ।

धुसर झाल्या गगनात तारा
फुलला मनात मोर पिसारा ।

पाणी पाणी झाला पसारा
कळला मज तुझा इशारा ।
© Sanjay R.

" मोल आसवांचे "

ह्रुदयावर पडता आघात
वेदना होइ अंतरात ।
घाव मनाचे सुकतिल कधी
दिसे दुख:भरल्या डोळ्यात ।

बाण असो शब्दांंचे वा
तिर ते जाणीवांचे ।
बंध तुटतो मनाचा एक
मोल काय त्या आसवांचे ।
© Sanjay R.

" भिजू या थोडं "

रिमझिम बरसतो
अंगणात माझ्या पाउस ।
चल ना सखे भिजू या थोडं
कोरडी अशी नको राहुस ।

सजली मैफिल या धरेवरी
एकटीच तु नको गाउस ।
निनादतो नाद ब्रम्हांडी
चल होउ या एकदा पाउस ।

टपटप सरींची होते बरसात
खिडकीतुनच तु नको पाहुस ।
येना जरा भिजवून अंग
होउ या थोडं पाउस ।
© Sanjay R.