अंतराच्या पटलावर
लिहिले नाव मी प्रेमाचे ।
हसतो तो गुलाब अजूनही
कळले असेल का त्यास मनाचे ।
वाटते भिती कधी कधी
भळभळेल रक्त घाव काट्याचे ।
पाकळ्या तर तिथेच फुलतात
करु काय मी या दिलाचे ।
फुलतो मोगरा झाडावर परी
देतो दरवळ क्षण आनंदाचे ।
©Sanjay R.
Thursday, February 1, 2018
" घाव काट्याचे "
" चंद्र ग्रहण "
लागलं चंद्राला
ग्रहण आज ।
उतरला चमचमणारा
त्याचा साज ।
खुलली चांदणी
हसली गालात ।
अंधाराला दिली
आज तिने मात ।
मिरवेल सुर्यही
होता उद्या प्रभात ।
तुटेल कशी तिघांची
जन्मोजन्मीची साथ ।
विटाळला माणुस
धरेला आघात ।
अंतराळातले चक्र
दिवस आणी रात
© Sanjay R.
Thursday, January 25, 2018
91 वे अखिल भारतीय मराठी साहित्य संमेलन, बडोदा... निमंत्रण
91 वे अखिल भारतीय मराठी साहित्य संमेलन, बडोदा...
कवी कट्टा आयोजन समितीचा आज मला मिळालेला ई-मेल...
- संजय रोंघे ...
" थोडी स्पेस "
खांद्यावरी झुलले छान
काळे भोर तुझे केस ।
सौंदर्यानं खुलला कसा
गोड तुझा गं फेस ।
कपाळी कोर चंद्राची
डोळ्यात भावनांची लेस ।
केलेस घर मनात माझ्या
शोधतो त्यातच थोडी स्पेस ।
Sanjay R.
Wednesday, January 24, 2018
" संपलं आता रडू "
आता लेखणी नकोच
हवा एक खडु ।
विसरा म्हणावं सारं
संपलय सारं रडू ।
का लेखता तुम्ही
स्त्रीस इतके कमी ।
सरला तो काळ
आज बरोबरीची हमी ।
का विसरलेत सारे
ती झासीची राणी ।
लढते तशिच आजही
पुसुन डोळ्यातले पाणी ।
संसाराचा ओढुन गाडा
घरास देई घरपण ।
नका पाहु अंत तिचा
होइल तुमचेच सरपण ।
सार्या जगाची माता ती
प्रेमळ तिचेच मन ।
फिटणार नाही जन्मात या
कधी मोजलेस का ते रुण ।
Sanjay R.
Subscribe to:
Posts (Atom)