शाम शाम

ओठी प्रभुचे नाम
मनात शाम शाम ।
मनमोहना तुज विण
जिवा नको विश्राम ।
तुझ्या भक्तीची आस
घेउ कसा आराम ।
रंगले नामात तुझ्या
चरणी तुझ्या दे विराम ।
कन्हैय्या तु राधेचा
मी मीरा तु शाम शाम ।
Sanjay R.

" राम रहीम आसाराम "

नावात त्यांच्या राम
भोंदु बाबास प्रणाम ।
राम पाल कुणी तर
राम रहिम आसाराम ।
भोळी भाबडी जनता
नकळे तयासी हराम ।
बुद्धी शुद्धी हरपली
बळी घेतो नराधम ।
नाही सोडले देवा तुज
आडोशाला तुझे नाम ।
चाले लबाडी लफंग्यांची
करी चारीत्र्य निलाम ।
भोळा भक्त देवा तुझा
झाला राक्षसांचा गुलाम ।
Sanjay R.

" ध्यास "

लागला ध्यास
अंतरात विश्वास
एक एक श्वास
मनी आभास
चालला प्रवास
कधी फास
कधी सुहास
आनंद निवास
जिवन खास
Sanjay R.

" वेध "

नजरेने तुझ्या ही
काय जादु केली ।
सर्वस्व विसरलो
तहान भुक नेली ।

सदैव तुझेच वेध
झोप माझी उडाली ।
स्वप्नातही तुच असे
जिव होतो वर खाली ।

हसतो मी पण बघुन
हास्य तुझ्या गाली ।
शोधतो भिर भिर मी
आहेस तुच खयाली ।
Sanjay R.

" पावसाची सर "

बघुन वाट पावसाची
जिव बळीराजाचा झाला अधर ।
सुखावला किती तो
येता एक पावसाची सर ।
पाठी कर्जाचा डोंगर
वाटे का होइल त्यात अजुन भर ।
पावला बघा देवच जसा
फुलली शेतं आला आनंदाला बहर ।
नद्या नाले सारं भरु दे आता
होती सारखी त्याची आकाशी नजर ।
हात जोडुन करतो धावा
देवा ढगांचा आकाशी होउ दे गजर ।
Sanjay R.