" रिमझीम पाउस "

रिमझीम रिमझीम
पाउस आला ।
गडगड गडगड
नाद निघाला ।
आकाशी विजेचा
लखलखाट झाला ।
भिजल्या मातीचा
सुगंध आला ।
चला पावसात
चिंब भिजायला ।
Sanjay R.

" माझी प्रकाशीत कविता "

दैनिक तरुण भारत आसमंत पुरवणीत प्रकाशीत माझी कविता ।
दिनांक 04.06.2017
संपादकांचे खुप खुप धन्यवाद ।

" सर पावसाची "

लागले डोळे आकाशाला
शोधायचे दुर आभाळाला ।
काळ्या ढगांना बोलवायाला
थेंब पाण्याचा मागायाला  ।
धरा हिरवी फुलायाला
जिवन परत हसायाला ।
वार्या संगे डोलायाला
छत्री रेनकोट उघडायाला ।
आसुसली नजर खुलायाला
पावसाच्या सरीत भिजायाला ।
Sanjay R.

" तेरी अदा "

चाहत है ये मेरी
इशारोमे सही
इशारा तु दे ।
नजरो को मेरी
एक नजर तु दे ।
ओठो पे हसी तेरे
थोडी मुस्कुराहट दे ।
हर अदापे मर मिटु
वह इजाजत मुझे दे ।
बाहोमे तेरी खो जाउ
थोडी जगा मुझे दे ।
Sanjay R.

" मस्ती गोंधळ सारच सरलं "

लहान असतांना आम्ही
काय चालायची मस्ती ।
धांगड धिंगा मारापीटी
आरडा ओरड नुसती ।

कधी चाले कंचे गोट्या
कधी चाले विटी दांडु ।
लपाछपी धापा धुपी
तर कधी होइ बॅट चेंडु ।

शुर विरांची लढाइ चाले
घेउन हाती स्केल छत्ते ।
उन्हात आईचा नकार येता
घरातच चाले कॅरम पत्ते ।

मस्ती गोंधळ सारच सरलं
मोबाइल वरती खेळ आता ।
अभ्यास पुस्तक जाड झाले
नाही उरला वेळ आता  ।
Sanjay R.