इमारती चढताहेत आकाशी वर
रहायला नाही आम्हा छोटेसे घर ।
तुटके फुटके नावाला छप्पर
भिजउन जाते पावसाची सर ।
नाहित भिंती झोपडी ही अधर
झुळकीनं वार्याच्या होते थर थर ।
दोन हात जागेत चललाय बसर
गरिबाच्या जगण्याची कुणास कदर ।
दिवस रात्र चालतो कष्टाचा नागर
तरी फाटकाच आहे साडीचा पदर ।
दोन हजार विस पर्यंत सार्यांना घर
लाउन बसलोय तिकडेच मी नजर
Sanjay R.
आईचं हेच मनोगत
मुलांसाठी काहिही ।
प्रेमापोटी करते सारे
अपेक्षाही मुळीच नाही ।
बाळ तिचा मोठ्ठा व्हावा
प्रभुचरणी एकच धावा ।
आनंदाने सोसते सारे
मनात नाही उजवा डावा ।
दिवसा मागुन दिवस जाता
मोठा होतो तिचा कान्हा ।
बळ पंखात येताच त्याचे
शोधते आई तिचा तान्हा ।
Sanjay R.
" जागतिक महिला दिनाच्या हार्दिक शुभेच्छा "
कोण मी काय नाते तुजशी माझे
होउनी अर्धांगिणी जपते स्वप्न तुझे ।
कुणाची मी बहिण कुणाची माता
त्यागाची धरुनी मशाल जळते स्वताः ।
जगत्दात्री मी या धरेची गाथा
सोसते दुःख सारे पदरात व्यथा ।
आसवांच्या सागरातले मी कमळ
झेलुनी मार लाटांचा आहे अढळ ।
Sanjay R.
मनातल्या चार ओळी
दोन तुझ्या दोन माझ्या ।
आठवण होताच तुझी
फुलतो मनी पिसारा माझ्या ।
बघायचे मज आहे सदा
हास्याचे फुलोरा गाली तुझ्या ।
Sanjay R.
चला चला आता
दुर दुर जाउ या ।
सोबत कवितेच्या
तिकडेच राहु या ।
गीत आनंदाचं
सोबत गाउ या ।
चादण्या रात्री
चंद्रात न्हाउ या ।
दुड दुड दुड दुड
हलकेच धाउ या ।
मिटुन डोळे हलकेच
स्वप्न मनीचे पाहु या ।
Sanjay R.
