बळिराजा तु नाही तुज
उन्हा तान्हाची फिकीर ।
पान्या पावसाशी तुझी
किती जुळली लकीर ।
उपसतो कष्ट किती
होतोस तु अधीर ।
पावसाच्या वाटेवर
नजर लागे भीर भीर ।
वेडावती ढग तुला
कधी होतो मग उशीर ।
कधी होतो पुर पाणी
तुटतो जिवाचा धीर ।
निसर्गाच्या हाती सारे
सोसतो सारे तीर ।
चंदना वाणी झिजतो
गड्या तुच शुर वीर ।
चिंता वाहतो दुनीयेची
अर्धपोटी तुझा संसार ।
लेतो शिउन फाटके
परी दिव्याखाली अंधार ।
Sanjay R.
झुळ झुळ वाहे गार वारा
एक माझा तुला इशारा ।
जिकडे तिकडे आहे पसारा
त्यातुन लुकलुकतो एकच तारा ।
Sanjay R.
हलतात ओठ त्यांचे
शब्द का झालेत अबोल ।
मनात खुप बोलायचे
परी शब्द अंतरात खोल ।
निरर्थक जो बोले त्यासी
नकळे शब्दांचे मोल ।
शब्द शब्दात फिरवुनी
साधी स्वार्थाचा गोल ।
घेउनी आधार शब्दांचा
घालवी सर्वस्वाचा तोल ।
गोड मधुर वाणी ज्यांची
शब्द तयांचे अनमोल ।
Sanjay R.
दैनिक तरूण भारत नागपूर आसमंत पुरवणीत प्रकाशित .... संपादकांचे खुप खुप आभार.
दिनांक -22.01.2017
डोळ्यात तुझ्या
मज बघायचं
गालांना तुझ्या
मज धरायचं ।
ओठांना तुझ्या
मज छळायचं ।
केसात गुलाब
मज माळायचा ।
तुझ्यात एकरुप
मज व्हायाचं ।
बेभान होउन
मज जगायचं ।
Sanjay R.
