बरसू दे ना सर आता
येऊ दे पाऊस जोरात ।
घामाने या भिजलो चीप्प
भिजावे वाटते पावसात ।
झाडांची पाने गळली
गवत झुडपे कशी वाळली ।
ऊन गर्मी म्हणते मी
उन्हापाई वाचा वळली ।
एसी कुलर सारे थकले
विहीर नाले किती सुकले ।
निसर्गाने टाकली मान
मोठमोठे वृक्ष ही झुकले ।
येरे येरे पावसा आता
भिजू दे ना काळी माती ।
पेरलेले रुजेल तेव्हा
पिकेल रे आमची शेती ।
चार पैसे येतील पदरी
मिटेल हा भुकेचा ध्यास ।
दर वर्षी तर तुझ्यावरच
शेतकऱ्याची असते आस ।
संजय रोंघे, नागपूर.
मोबाईल - 8380074730
No comments:
Post a Comment