कविता प्रकाशित

माझे व्यासपीठ या मुंबई येथून प्रकाशित होणाऱ्या जुलै 2024 च्या मासिक अंकात माझी " वेड पावसाचे "  ही कविता प्रकाशित झाली.

संपादकांचे मनापासून आभार.

गावाकडची जत्रा

गावात होती ती वेगळीच मजा
वर्षातून एकदा भरायची जत्रा ।
छोट्या पासून मोठ्या पर्यंत सारेच
हौशीने जायचे काम सोडून सतरा ।
खूप मजा तिथे आनंद ही भरपूर
म्हणायचो मी चल ना जाऊ मित्रा ।
खाणे पिणे सर्कस सिनेमा पण
तमाशाच्या तंबूत होता मात्र खत्रा ।
पैश्यावर पैसा उधळायचे पाटील
रिकामा खिसा करून संपायची जत्रा ।
Sanjay R.

पहाट

बघू किती मी वाट
रात्र सरली होईल पहाट ।
चांदण्याही सोबतीला
काय तो रात्रीचा थाट ।
तुझीच होती काय ती कमी
सोडू नको तू अशीच गाठ ।
आपला वाटतो हा एक काठ
येऊ देना सागरातही लाट ।
Sanjay R.

पापणी ही ओली

धरून ओंजळीत माझ्या
फुले ही थकून गेली ।
टाकून ती मान खाली
चुरागळून किती गेली ।

गंध दरवळतो अजूनही
ओढ ती हृदयात गेली ।
अंतरात झाले तुकडे
भावनाच सरून गेली ।

आठवण येते या मनास
शोधतो मी तू कुठे गेली ।
नसतेस कुठेच तू तेव्हा
वाटते तू विसरून गेली ।

कधी येते उचकी क्षणात
वाटते याद तूच केली ।
मन होते मग अधीर
होते पापणी ही ओली ।
Sanjay R.

कविता प्रकाशित

आज दिनांक 23 जुन 2024 ला दैनिक तरुण भारत, आसमंत पुरवणीत माझी " आत्मविश्वास " ही कविता प्रकाशित झाली, संपादकांचे खूप खूप आभार .

गोष्ट माणसाची

जो तो इथे घाईत
आहे कुणाकडे वेळ ।
अहोरात्र काबाड कष्ट
बसेना कशाचा मेळ।
उरलीच कुठे सवड आता
जीवनच झाले खेळ ।

भूक साठी चाले सारे
उठते पोटात कळ ।
सुख समाधान हरवले
करतो नुसती पळापळ ।
खणायचे ते कुठे काय
गवसेल का आता तळ ।
Sanjay R.

छंद लागला

लागला का छंद मज
कळेना असते कुठे मन ।
आठवणीत तुझ्याच का
जाईना एकही क्षण ।

कधी नजर आकाशात
नी मोजतो एकेक तारा ।

वाटावं कुणालाही बघून
आताच बरसतील धारा ।

तहान भूक हरतो सारे
नसते शुद्ध कशाचीच  ।
आभास होतात सारखे
खेळ चालतो मनाशीच ।

मधेच हसतो मनात
कधी होतो मी गंभीर ।
लागेना मन कशात
कधी होते ते अधीर ।
Sanjay R.

गैर समज

समज वा नासमज

सगळाच गैर समज ।

समजवायचे किती

असो वा नसो गरज ।

तुटलेले हे मन असे

जुळेल का खरंच ।

धाग्याला धागा जुळतो

स्वच्छ असे मन तरच ।

नको राग नको लोभ

मोह माया ठेवा दूरच ।

मनाशी मन जुळवा

मी मी सोडाल तरच ।

Sanjay R.

अधीर हे मन

अधीर किती हे मन

थांबेना एकही क्षण ।

सदा आस कशाची

अनमोल कुठले धन ।

Sanjay R.

पाणी

नभात शोधतो मी

थेंब दोन पाण्याचे ।

आले आसवे डोळ्यात

संदर्भ तेच जीवनाचे ।

Sanjay R.

अबोली

अबोली असो वा मोगरा

खुलतो केसात गजरा ।

बघतो डोळ्यात जेव्हा

चेहरा तुझाच लाजरा ।

Sanjay R.

भाव भक्ती

भाव भक्तीचा मार्ग
नेईल तिथेच स्वर्ग ।
मिटून दोन डोळे
चरणी लीन होतो ।

रूप तुझे आठवतो
मनी मी साठवतो ।
न उरते आशा मग
धन्य मनात होतो ।

राग लोभ मत्सर
सारेच ते दुराचार ।
लोप होतो तयाचा
भार सारा सरतो ।

दीन दुःखी गरीब
सारे माझ्या करीब ।
मीही दास प्रभूचा
भाव भक्तीत पाहतो
Sanjay R.

प्रीत

प्रीत कुठे खरी खोटी

ती अंतरातली वेदना ।

जन्मोजन्मी असेल ती

तुझी नि माझी साधना ।

Sanjay R.

स्वप्नांना हवेत पंख

स्वप्नांना तूझ्या

हवेत दोन पंख ।

विहरशिल गगनात

ढग तिथे असंख्य ।

सूर्य असेल कुठेतरी

ढगांच्याच आड ।

चंद्रही असेल पण

तो निजलेला गाढ ।

अंगणात दिसतील

चांदण्या पसरलेल्या ।

सूर्याच्या प्रकाशात

धूसर त्या झालेल्या ।

Sanjay R.

अपेक्षा

अपेक्षांचं ओझं पाठी
पाठ गेली ही झुकून ।
चालायचे म्हणून चालतो
श्वासही गेलेत थकून ।

तुझा तो अधिकार
मला वाटतो आधार ।
दे सोडून सारेच आता
ठेवू नकोस तू भार ।

प्रेमात तुझ्या मी ही
खाल्ल्या किती खस्ता ।
दोष तो तुझा नाहीच
पण दाखवलास रस्ता ।
Sanjay R.

वेदना

मनाची ती वेदना

कळते या मनाला ।

ओठ हे मुक जरी 

अश्रू येती नेत्राला ।

Sanjay R.

नशीब

नको दोष नशिबाला

प्रीत हृदयात फुलते ।

मनाला मन जुळता

अंतरातही ते झुलते ।

Sanjay R.

भावनांचा खेळ

भाव भावनांचा हा खेळ

त्याला बंध जरी गुलाबी ।

सुख दुःखाच्या तिथे गाठी

होऊ दे मन थोडे शराबी ।

Sanjay R.

बरसू दे सर आता

बरसू दे ना सर आता
येऊ दे पाऊस जोरात ।
घामाने या भिजलो चीप्प
भिजावे वाटते पावसात ।

झाडांची पाने गळली
गवत झुडपे कशी वाळली ।
ऊन गर्मी म्हणते मी
उन्हापाई वाचा वळली ।

एसी कुलर सारे थकले
विहीर नाले किती सुकले ।
निसर्गाने टाकली मान
मोठमोठे वृक्ष ही झुकले ।

येरे येरे पावसा आता
भिजू दे ना काळी माती ।
पेरलेले रुजेल तेव्हा
पिकेल रे आमची शेती ।

चार पैसे येतील पदरी
मिटेल हा भुकेचा ध्यास ।
दर वर्षी तर तुझ्यावरच
शेतकऱ्याची असते आस ।

संजय रोंघे, नागपूर.
मोबाईल - 8380074730

नाते

मनात एक आशा

अंतरात ही ओढ ।

लागेना तुजवीण मज

काय कसे ते गोड ।

मनास हवी मनाची

एक तीच जोड ।

नको ताणू हे नाते

हट्ट तू जरासा सोड ।

Sanjay R.

वेड पावसाचे

होऊ नको तू वेडी
बरसेल हा पाऊस ।
भिजून त्यात चिंब
फिटेल सारी हाऊस ।

येईल ती सर धाऊन
सोबतीला असेल वारा ।
ठेव सांभाळून पदर
डोईवर पडतील गारा ।

बेधुंद मोकळे हे मन
होईल किती आनंद ।
फिटतील साऱ्या आशा
हवा वाटतो तो सुगंध ।
Sanjay R.

पाऊस

वेड पावसाचे मज
चिंब भिजते मन ।
ओघळतात धारा
ओले ओले तन ।

गरजते आकाश
दाटले त्यात घन
लखलखून जाते
वीज एक क्षण ।

होता ओली धरा
हिरवे होईल रण ।
वाटे वेचावा मज
पावसाचा येक कण ।
Sanjay R.

पंख

स्वप्नांनाही असतात पंख
येतो गगनात मी फिरून ।
सहजच मनाला वाटतं मग
बघावं तुझ्या हृदयात शिरून ।
Sanjay R.

येऊ दे आता पाऊस

येऊ दे आता पाऊस
मी पण घेईल भिजून ।
भयंकरच होतं उन
सारेच निघाले शिजून ।
जगभरात झाले रेकॉर्ड
पृथ्वी थकली तापून ।
पाण्याची झाली वाफ
नदीही गेली आटून ।
रडायला पण येत नाही
डोळेही गेलेत सुकून ।
येऊ दे रे पाऊस आता
मी पण घेईल भिजून ।
Sanjay R.

तरुण भारत ला कविता प्रकाशित

आज दिनांक 2 जुन 2024 ला दैनिक तरुण भारत, आसमंत पुरवणीत माझी " बंद दार " ही कविता प्रकाशित झाली, संपादकांचे खूप खूप आभार .

रात्र अंधारी

मनात नको दुःख
हवी थोडीशी आशा ।
बघ डोळ्यात माझ्या
सरेल साऱ्या निराशा ।

असू दे रात्र अंधारी
चांदण्या आहे सोबतीला ।
पौर्णिमेला चंद्र पूर्ण
नी काजवे अमावस्येला ।
Sanjay R.

चांदण्यांचा बहर

आकाश काळे चमचमते
चांदण्यांचा बहर आला ।
मधेच डोकावतो चंद्र
सारतो दूर तो निषेला ।
Sanjay R.

प्रेमाची माळ

जपतो मी मनात

 प्रीय प्रेमाची माळ ।

अवघा आनंद मनी

रुणझुण वाजे चाळ।

Sanjay R.

माहेरचे अंगण

याद येते महेराची
लेक तू लाडाची ।
विसरू नको कधी तू
माया त्या आईची ।

बाप असेल कठोर
त्याच्याहून कोण थोर ।
मनात तुझा विचार
लाडाची तू ग पोर ।

रोज येते आठवण
तुझ्या भोवती मन ।
नको नको वाटतो
तुझ्या विना एक क्षण ।

सूने सुने झाले घर
झाले ओसाड आंगण ।
सूर कानात घुमतात
वाजे रुणझुण पैजण ।

लेक येता माहेराला
झुलते तुळस अंगणात ।
मोगरा ही बहरतो
दरवळ ही या मनात ।
Sanjay R.