झाला गाव सुना
पाखरांनो या ना पुन्हा
झाला गाव सुना ।
नाही कावळा नाही बगळा
चिऊला पण नाही दाना
झाला गाव सुना ।
झाडे झुडपे गेली खंगून
काय कुणाचा यात गुन्हा
झाला गाव सुना ।
लोपली हिरवळ सारी
नाही उरला गाव जुना
झाला गाव सुना ।
आटले पाणी नदीचे
येईल तिलाच पूर पुन्हा
झाला गाव सुना ।
घरटे तुटून राख झाले
गेला कुठे इथला कान्हा
झाला गाव सुना ।
माणूस माणूस नाही उरला
शोधते आई तिचा तान्हा
झाला गाव सुना ।
तुळस अंगणी वाट पाहते
वाकून गेल्या साऱ्या माना
झाला गाव सुना ।
भकास झाले सारे गाव
कुणीतरी हो परत याना
झाला गाव सुना ।
Sanjay R.
No comments:
Post a Comment