" माझे मन " : " लक्षण नाही बरं "

Friday, September 21, 2018

" लक्षण नाही बरं "

लक्षण माणसाचं ना नाहीच बरं
क्रोध त्याच्या मनातला
जसा आगीचा धग्धगणारा लोट
स्वार्थ इतका बोकाळला की
दिसतं त्याला फक्त त्याचंच पोट
लक्षण माणसाचं ना नाहीच बरं

कुणी इथे आहेत खूपच मिजाशी
आणि कुणी एक एक दाण्यासाठी
दिवस काढतात फक्त उपाशी
कुठे अन्नाचा चाले नासोडा
तर कुठे कोरभर भाकरीचा तुटवडा
लक्षण माणसाचं ना नाहीच बरं

उरलाच कुठे आता माणसात सदाचार
भ्रष्टाचार दुराचार व्यभिचार अनाचार
नाहीत फक्त हे लक्षणं चार
सरलेत सारेच माणसातले
आचार आणि विचार
लक्षण माणसाचं ना नाहीच बरं

चोरी लबाडीत सगळे ध्यान
बुद्धी शुद्धी केली गहाण
ढोंगी बाबां झालेत महान
लुच्चे पुच्चे लफंगे गीरी
झाली आता आमची शान
लक्षण माणसाचं ना नाहीच बरं
Sanjay R.

No comments:

Post a Comment

About Me :

मी.......

मी काही कवी नाही पण कविता करण्याचा एक बऱ्यापैकी छंद आहे आणि वेळ मिळेल तेव्हा तो पूर्ण करतो . माझ्या बर्याचशा कविता दैनिक वर्तमान पत्रातही प्रकाशीत झाल्यात.आजकाल ई तंत्रधन्यांना द्वारे सोशल साईट्स वर आपले साहित्य टाकून ते इतरांपर्यंत पोचवण्याची जी संधी उपलब्ध झालेली आहे, त्याचा फायदा मी पण घेतोय. गूगल, फेसबुक व्हाट्स अँप या वर माझे अकाउंट उघडून त्यात मी माझे साहित्य टाकतो.या द्वारे मी बरेच मित्र मैत्रिणी गोळा केलेत. त्यांच्या प्रतिक्रिया वाचून मला पण खूप खूप आनंद मिळतो.

या छंदामुळे मला साहित्य क्षेत्रातील नामांकीत तसेच नव साहित्तीक मित्र मंडळी लाभली. यासाठी मी खुप आनंदी आहे.

माझे शिक्षण : BE, MBA

सहभाग : अखिल भारतीय मराठी साहित्य परिषदे द्वारे आयोजित साहित्य संमेलनात सहभाग;

अखिल भारतीय वर्हाडी साहित्य संमेलनात सहभाग,

इतरही बऱ्याच साहित्य संमेलनात सहभाग

माझा ब्लॉग :

https://spronghe.wordpress.com ;

https://spronghe.blogspot.com

माझा कवितेचा छंद

अंतरातला एक बंध ll

अवतरतो शब्द होउन धुंद

दरवळतो दूरवर सुगंध ll

Sanjay R.