पेटवायची आज होळी
चला निघु या घेऊन झोळी ।
मरे तोवर राबतो कसा
काळ्या मातीत रे बळी ।
घामा रक्ताने तुझ्यारे
झाली ओली माती काळी ।
काळजीनं लेका तुझ्या
पडली गालावर खळी ।
नाही तमा कुणा सरकारी
पडल्या पोटाच्या वळी ।
उपाशी पोट रे तुझे
व्यापारी भाजतो त्यावर पोळी ।
लेकरं तुझी रे राजा
कोरडीच वाजवतात टाळी ।
येयील कधी किव तुझी
फोड रे तु आता किंकाळी ।
नको झेलुस घाव आता
टाक पेटवून एकदाच होळी ।
लाकडंही नको ठेवु बाकी
कळेल सार्यासी मग दिवाळी ।
© Sanjay R.
No comments:
Post a Comment